Xamalı kremlə yüngül bananlı tort

Çox dadlı, yumşaq və yüngül tortdur. 

İnqrediyentlər:

- 4 ədəd yumurta

- 120 qr un

- 120 qr şəkər tozu (xəmir üçün) + 100 qr (krem üçün)

- 1 paket vanilli şəkər tozu

- 1 ç.q. qabartma tozu

- 1,5 x.q. kakao-toz

- 2 dənə iri banan

- 400 qr xama

- 100 qr şokolad

Hazırlanması:

1. Yumurtanı şəkər tozu və vanilli şəkər tozu ilə birlikdə mikserlə yaxşı çalırıq (kütlə xeyli artmalı və ağarmalıdır).           

2. Unu qabartma tozu və kakao-tozla birlikdə yumurtanın üzərinə ələyirik, ehtiyatla aşağıdan yuxarıya doğru qarışdırırıq. Xəmir qatı xama kimi alınır.

3. Tavaya xüsusi kağız qoyuruq, xəmiri tökürük.

4. Sobanı qabaqcadan 180 C qədər qızdırırıq, biskviti 20-25 dəqiqə ərzində bişiririk. Hazır olub-olmadığını diş çöpü ilə yoxlayırıq - xəmir diş çöpünə yapışmırsa, biskvit hazırdır.

5. Hazır biskviti 8 saat ərzində saxlayırıq.

6. Krem hazırlayırıq. Xamanı şəkər tozu ilə birlikdə mikserlə yaxşı çalırıq.

7. Biskviti 3 hissəyə bölürük.

8. Korjların aralarına krem çəkirik, üzərinə nazik halqalara doğranmış banan düzürük. Sonuncü korjun üzərinə krem şəkirik və sürtgəcdən keşirilmiş şokolad səpirik.

9. Masaya verdikdən əvvəl tortu 2-3 saat soyuducuda saxlayın.

Nuş olsun!

Evdarliq.Az


.
.
Загрузка...