Peçenyedən hazırlanmış ŞOKOLADLI TORT

Tort dükanlarda satılan hazır şokoladlı peçenyedən hazırlanır.

İngrediyentlər:

Korj üçün:

- 400 qr şokoladlı peçenye

- 1 x.q. şəkər tozu

- 150 qr kərə yağı

Krem üçün:

- 700 qr süd

- 30 qr kakao-toz

- 120 qr şəkər tozu

- 40 qr nişasta

- 15 qr kərə yağı

- 150 qr tünd şokolad

- 4 yumurta sarısı

- 1 çimdik duz

Hazırlanması:

1. Şokolad su hamamında əridilir.

2. Digər qazanda kakao-toz, şəkər tozu, nişasta və duz qarışdırılır, yumurta-sarısı bir-bir əlavə olunur, yaxşı qarışdırılır.  

3. Süd əlavə olunur, yaxşı qarışdırılır.

4. Krem odun üzərinə qoyulur, qarışdıra-qarışdıra qatılaşana qədər bişirilir.

5. Krem oddan götürülür, ərimiş şokolad və yumşaq kərə yağı əlavə olunur, yaxşı qarışdırılır. Hamar həmcins kütlə alınmalıdır. Kremin üzərini plyonka ilə bağlayın, bir qədər soyudun və soyuducuya qoyub 2 saat saxlayın.

6. Peçenyeni blenderlə əzin (ovuntu alınmalıdır), 1 x.q. şəkər tozu əlavə edin, qarışdırın.

7. Kərə yağını əridin, peçenyeyə əlavə edin, yaxşı qarışdırın.

8. Sobanı qabaqcadan 180 C qədər qızdırın, ovuntunu formaya qoyun, hamarlayın (qıraqları hündür olmalıdır). Sobada 8-10 dəqiqə ərzində bişirin.   

9. Korju formadan çıxartmadan soyudun, üzərinə krem qoyun, hamarlayın.

10. Tortu soyuducuda ən azı  6 saat ərzində saxlayın, sonra formadan çıxardın və masaya verin.

Nuş olsun!

Evdarliq.Az