Kövrək və ətirli ballı peçenye

Çox dadlı və ətirli peçenye alınır, uzun müddət təzə qalır, qurumur.  

İnqrediyentlər:

- 3,5 stəkan un

- 1 stəkan şəkər tozu

- 150 qr kərə yağı

- 2 x.q. bal

- 250 qr xama

- 1 ç.q. soda

Hazırlanması:

1. Kərə yağı əridilir, isti kərə yağına bal əlavə olunur, yaxşı qarışdırılır, bir qədər soyudulur.

2. Xama, şəkər tozu, soda əlavə olunur, qaşıqla qarışdırılır.

3. Ələnmiş un hissə-hissə əlavə olunur, hər dəfə yaxşı qarışdırılır, xəmir yoğrulur. Yumşaq elastik xəmir alınmalıdır.

4. Sobanı qabaqcadan 200 C qədər qızdırırıq.

5. Tavaya xüsusi kağız səririk. Xəmirdən kiçik tikələri götürüb kürəçiklər düzəldirik və tavaya düzürük. Peçenyelərin aralarında məsafə saxlayın.

6. Peçenyeni təxminən 10 dəqiqə ərzində bişirin.

Nuş olsun!

Evdarliq.Az   


.