Qara qavalı ilə çox dadlı və zərif piroq

Bu piroq çox tez hazırlanır, zərif və dadlı alınır.

Lazım olan məhsullar:

- 200 qr un

- 100 qr kərə yağı

- 150 qr qara qavalı (çəyirdəksiz)

- 250 qr xama

- 100 qr şəkər tozu

- 1 ç.q. soda + 1 ç.q. limon şirəsi

- 1 paket vanilli şəkər tozu (10 qr)

Hazırlanması:

1. Unu ələyin, soyuq kərə yağını sürtgəcdən keçirin, unla barmaqlarla qarışdırın.

2. 5-6 qaşıq soyuq su əlavə edin, qarışdırın.

3. Sodanın üzərinə limon şirəsini sıxın, qarışdırın və xəmirə əlavə edib, yaxşı qarışdırın, xəmir yoğurun (çox yoğurmaq olmaz).

4. Xəmiri 1 sm qalınlığında yayın, formaya qoyun (burada diametri 22 sm olan forma istifadə olunur), xəmirin qıraqlarını 2-3 sm qaldırın.

5. Xəmiri çəngəllə bir neçə yerlərdə deşin, formanı soyuducuya qoyub 30 dəqiqə saxlayın.

6. Qara qavalını yaxşı yuyun, üzərinə qaynar su töküb 5 dəqiqə saxlayın, sonra suyu süzün.

7. Krem: xama, şəkər tozu, vanilli şəkər tozu və 2 xörək qaşığı un yaxşı qarışdırılır.

8. Formaya qara qavalı qoyun. 

9. Üzərinə ehtiyatla krem tökün.

10. Sobanı qabaqcadan 200 C qədər qızdırın və piroqu təxminən 40 dəqiqə ərzində bişirin.

11. Hazır piroqu masaya verdikdən əvvəl tam soyudun.

Nuş olsun!

Evdarliq.az


Youtube kanalımıza abunə olun ki, faydalı videolardan xəbəriniz olsun

Yeməkdən dərhal sonra ÇAY içənlər mütləq baxsın! - VİDEO