Crazy Cake (dəlisov piroq). Ucuz və asan!

Crazy Cake - ("Dəlisov piroq") amerikan piroqudur. Onu Amerikada Böyük Depressiya vaxtı fikirləşiblər.

Sadə tərkibinə rəğmən dadı qeyri-adidir. Tərkibində yağ yoxdur, amma yağlı tortlardan dadına görə heç də geri qalmır.

Tərkibi:

- 2 st. süd

- 2 st. un

- 1,5 st. şəkər tozu

- 6 x.q. kakao

- 4 ç.q. qabartma tozu

Krem:

- 2 st. süd

- 1 st. şəkər tozu

- 3 x.q. un

- 1 yumurta

- 1 ç.q. vanilli şəkər tozu

Hazırlanması:

1. Un ələynir, şəkər tozu, kakao və qabartma tozu ilə qarışdırılır.

2. İsti südü üzərinə töküb yüngülcə qarışdırın (tam qarışmalıdır). Qatı xama kimi alınmalıdır.

3. Formaya töküb 180 dərəcə qızdırılmış sobada 40 dəqiqə bişirin.

4. Krem: Südü qaynadın. Yumurtanı şəkər tozu, vanilli şəkər tozu və unla çalın, qarışdıra-qarışdıra qaynar südü əlavə edin, sonra ocağın üzərinə qoyun, qarışdırmağı dayandırmadan qatılaşanadək bişirin.

5. Korju 2, yaxud 3 hissəyə bölün, isti kremi aralarına çəkin.

6. Üzərini zövqünüzə görə bəzəyə bilərsiniz.

Nuş olsun!

Milli.az


Загрузка...
. .