Şirniyyat

Almalı-qozlu piroq

Çox zərif və dadlı piroqdur. Piroq tez və asan hazırlanır.

Lazım olan məhsullar:

Xəmir üçün:

- 200 qr un

- 200 qr şəkər tozu

- 200 qr xama

- 100 qr kərə yağı

- 2 dənə yumurta

- 1 çay qaşığı qabartma tozu

- 1 çay qaşığı vanilli şəkər

- 300 qr alma

Ovuntu üçün:

- 100 qr qoz (və ya fındıq, badam)

- 2 x.q. şəkər tozu

- 1 ç.q. darçın

Hazırlanması:

1. Ovuntu hazırlayırıq. Qozu blenderlə əzirik, şəkər tozu, darçın əlavə edirik, qarışdırırıq.

2. Almaları soyuruq, nazik doğrayırıq.

3. Yumşaq kərə yağı, şəkəri və vanilli şəkəri yaxşı çalırıq.  

4. Yumurta əlavə edirik, yenə yaxşı çalırıq.

5. Xama əlavə edirik, çalırıq.

6. Un ələyirik, xəmirə əlavə edirik. Qabartma tozu, duz əlavə edirik, qarışdırırıq.

7. Alma əlavə edirik, ehtiyatla qarışdırırıq.

8. Tavaya kərə yağı çəkirik, xəmirin yarısını qoyuruq, üzərinə ovuntunun 1/2 hissəsini səpirik.

9. Qalan xəmiri qoyuruq, üzərinə ovuntu tökürük.  

10. Sobanı əvvəlcədən 180 C qədər qızdırırıq. Piroqu 50-60 dəqiqə ərzində bişiririk.

Nuş olsun!

Evdarliq.Az


.....

.
.

Əziz və çox dəyərli xanımlar!

Buta design” şirkəti sizə növbəti çox maraqlı olan Evdarliq.Az layihəsini təqdim edir.

Bizimlə Siz dadlı yeməklərin rahat və müxtəliv çesidli reseptləri, təmizlik işlərinin sirri, ev əşyalarına düzgün qulluq qaydaları, interyerə uyğun əşyaların  düzgün düzülülşü və dünyada mətbəx və evə aid bütün yeniliklərdən xəbərdar olacaqsınız. 

Saytımıza daxil olduqda ev işlərində  daha  təcrübəli olmanız və bününla daha az zaman sərf etməniz üçün çox çalışacayıq. Ən əsas məqsədimiz isə əldə etdiyiniz maraqlı məlumatlar sayəsində  sizə çətin gələn işlərin asanlaşmasıdır.

Qoy bundan sonra gündəlik ev işləri, öhdəsindən rahatlıqla gəldiyiniz üçün  sizə yalnız həzz hissi yaşatsın!

Hörmətlə,

Evdarlıq.Az

Яндекс.Метрика