Ətirli fransız bulkaları

Tez və asan hazırlanan yumşaq və ətirli bulkalar.

Lazım olan məhsullar:

- 2 dənə yumurta

- 200 qr kərə yağı (yarısı xəmir üçün, yarısı krem üçün)

- 1 stəkan şəkər tozu (stəkanın 1/4 hissəsi xəmir üçün, qalan şəkər krem üçün)

- 2-3 stəkan un

- 1,5 x.q. nişasta

- 1 ç.q. quru maya ("быстрые дрожжи")

- 1/2 ç.q. darçın

- 1 ç.q. vanil şəkəri

Hazırlanması:

1. Krem hazırlayırıq: yumşaq kərə yağı, şəkər tozu, kraxmal və darçın mikserlə yaxşı qarışdırılır.  

2. Yumurta şəkər tozu ilə çalınır, əridilmiş kərə yağı, vanil şəkəri əlavə olunur, yaxşı qarışdırılır.

3. Un ələnir, quru maya ilə qarışdırılır, yumurtalı-yağlı kütləyə əlavə olunur, yaxşı qarışdırılır.  

4. Xəmir yoğrulur. Xəmir yumşaq və elastik alınmalıdır.

5. Xəmiri 2 hissəyə bölürük. Xəmirin hər hissəsini 1 sm qalınlığında yayırıq, üzərinə krem çəkirik, rulet formasında bükürük və 4 sm enində hissələrə kəsirik.

6. Tavaya xüsusi kağız səririk, bulkaları düzürük (kəsilmiş hissə aşağıda olmalıdır). Aralarında bir az məsafə saxlayın. Üzərinə dəsmal sərin və 1-1,5 saat saxlayın.

7. Sobanı 220 C qədər qızdırın. Tavanı sobaya qoyun, temperaturu 180-200 C qədər azaldın və bulkaları təxminən 15 dəqiqə bişirin.

8. Bulkaları soyudun və üzərinə şəkər tozu səpin.

Nuş olsun!

Evdarliq.Az


Загрузка...
. .