Korjikler çox tez və asan hazırlanır.
Lazım olan məhsullar:
- 400-450 qr un
- 200 qr şəkər tozu
- 100 qr süd
- 100 qr kərə yağı
- 1 dənə yumurta
- 1 paçka (10 qr) vanil şəkəri (ванильный сахар)
- 1/2 ç.q. qabartma tozu
- 1 yumurta sarısı + 1 ç.q. su (korjiklərin üzərinə çəkmək üçün)
Hazırlanması:
1. Divarları qalın olan kiçik qazana süd, şəkər tozu və vanil şəkəri tökün, qarışdıra-qarışdıra qızdırın və bir neçə dəqiqə ərzində vam odda qaynadın. Sonra tam soyudun.
2. Yumşaq kərə yağını yumurta ilə birlikdə mikserlə çalın. Sonra asta-asta sirop tökün (çalmağı davam edirsiniz).
3. Unu ələyin və qabartma tozu ilə qarışdırın.
4. Yağlı-yumurtalı kütləyə asta-asta un əlavə edin, qaşıqla yavaş-yavaş qarışdırın. Xəmiri çox yoğurmaq olmaz - korjiklər bərk alınacaq.
5. Yumşaq, əllərə yapışmayan xəmir alınmalıdır.
6. Xəmiri 7 mm qalınlığında yayırıq, forma ilə dairələr kəsirik.
7. Korjikləri xüsusi kağız sərilmiş tavanın üzərinə düzürük.
8. Yumurta sarısını su ilə qarışdırırıq və fırça ilə korjiklərin üzərinə çəkirik.
9. Sobanı əvvəlcədən 200 C qədər qızdırın və 10-15 dəqiqə ərzində bişirin.
Evdarliq.Az
