Şirniyyat

Manna yarması ilə dadlı piroq

Manna yarması şirniyyatların hazırlanmasında tez-tez istifadə olunur.

Manna yarması xəmiri çox yumşaq və zərif edir.

Lazım olan məhsullar:

- Manna yarması - 1 stəkan

- Qatıq - 1 stəkan

- Şəkər tozu - 1 stəkan

- Soda - 1/2 çay qaşığı

- Yumurta - 2 dənə

- Kərə yağı - 60 qr

- Kakao - 2 ç.q

- Vanilin - 1 bağlama

- Kişmiş - zövqə görə

- Şəkər kirşanı (piroqun üzərinə səpmək üçün)

Hazırlanması:

1. Manna yarmasını qaba tökün, üzərinə 1 stəkan qatıq tökün (ev temperaturunda olmalıdır) və 40 dəqiqə ərzində saxlayın ki, manna şişsin.

2. Yumurtanı şəkər tozu ilə yaxşı çalın, yumşalmış kərə yağı və vanilin əlavə edib qarışdırın.

3. 40 dəqiqə keçdikdən sonra mannanı qatıqla yumurtalı-şəkərli kütlə ilə yaxşı qarışdırın və limon şirəsi ilə söndürülmüş soda əlavə edib yenə yaxşı qarışdırın.

4. Xəmiri 2 hissəyə bölün. Birinə kakao, digərinə kişmiş əlavə edib qarışdırın. Kişmişi əvvəlcədən yaxşı yuyun, üzərinə qaynar su tökün ki, yumşalsın və kağız dəsmalın üzərinə töküb qurudun.

5. Formaya perqament və ya digər şirniyyat bişirmək üçün istifadə olunan kağız sərin və əvvəl kakao ilə olan xəmiri, üzərinə isə kişmişli xəmiri tökün.

6. Piroqu əvvəlcədən 1800 C kimi qızdırılmış sobada 35-40 dəqiqə ərzində bişirin.

7. Piroq soyuyandan sonra üzərinə şəkər kirşanı səpin və ya zövqə gözə giləmeyvələrlə, şokoladla, qozla və s. bəzəyin.

Nuş olsun!

Saglamolun.Az

 

 


. .
Загрузка...
Загрузка...

Əziz və çox dəyərli xanımlar!

Buta design” şirkəti sizə növbəti çox maraqlı olan Evdarliq.Az layihəsini təqdim edir.

Bizimlə Siz dadlı yeməklərin rahat və müxtəliv çesidli reseptləri, təmizlik işlərinin sirri, ev əşyalarına düzgün qulluq qaydaları, interyerə uyğun əşyaların  düzgün düzülülşü və dünyada mətbəx və evə aid bütün yeniliklərdən xəbərdar olacaqsınız. 

Saytımıza daxil olduqda ev işlərində  daha  təcrübəli olmanız və bününla daha az zaman sərf etməniz üçün çox çalışacayıq. Ən əsas məqsədimiz isə əldə etdiyiniz maraqlı məlumatlar sayəsində  sizə çətin gələn işlərin asanlaşmasıdır.

Qoy bundan sonra gündəlik ev işləri, öhdəsindən rahatlıqla gəldiyiniz üçün  sizə yalnız həzz hissi yaşatsın!

Hörmətlə,

Evdarlıq.Az

Яндекс.Метрика