Simit resepti

Məhsullar:

Xəmir üçün:

- 400 qr un (təxminən)

- 2 ç.q. quru maya

- 125 qr ilıq su

- 4 x.q. bitki yağı

- 1 ç.q. şəkər tozu

- yarım ç.q. duz

Simitlerin üzərinə:

- 150 qr su

- 1 x.q. bal

- küncüt

Hazırlanması:

1. Maya və şəkəri ilıq suda əridin. 10-15 dəqiqə isti yerdə saxlayın (maya qalxmalıdır).
2. Mayanı dərin qaba tökün, duz və 3 x.q. bitki yağı əlavə edin, yaxşı qarışdırın.
3. Ələnmiş un əlavə edin, xəmir yoğurun.
4. 1 x.q. bitki yağı əlavə edin, yenə yoğurun.
5. Xəmiri kürə şəklinə salın, qabda 1 saat saxlayın (qabın üzərinə plyonka çəkin).
6. Xəmiri bir az yoğurun, 4-5 hissəyə bölün, hər hissəni jqut formasında yayın, bir az burun, qıraqları yaxşı yapışdırın.
7. Qaba150 ml su tökün, içində 1 x.q. balı əridin. Küncütü düz boşqaba tökün.
8. Simitləri əvvəl suya, sonra küncütə batırın.
9. Tavaya kağız sərin, simitləri düzün, yarım saat isti yerdə saxlayın.
10. Sobanı qabaqcadan 180 C qədər qızdırın, simitləri təxminən 20 dəq. bişirin (qızarana kimi).

Nuş olsun!

Evdarliq.az