Şirniyyat

Soçi paxlavası - RESEPT

Məhsullar:

- 3 yumurta

- 2 yumurta ağı

- 250 qram kərə yağı

- apardığı qədər un

- yarım çay qaşığı soda

İçlik üçün lazım olanlar və onun hazırlanma qaydası:

- 1 stəkan doğranmıs (bir az iri şəkildə doğranmalıdır ) fındıq, qoz, araxis, qara kişmis

- 2 stəkan şəkər tozu

Vanil

Doğranmış ləpəyə şəkər tozunu və vanili əlavə edib qarışdırın. Daha sonra 2 yumurta ağını kənarda bize halına gələnə qədər çırpıb, onu da qarışığa əlavə edin və hamısını birlikdə qarışdırıb iki bərabər hissəyə ayırın.

Xəmirin hazırlanması:

1. Yağı azca əridin, ora soda və 3 yumurtanı da əlavə edib, yumşaq xəmir yoğurun.

2. Xəmiri üç bərabər hissəyə ayırıb kündələyin.

3. Birinci kündəni oxlovla yayıb soba qabına sərin. Xəmiri əlinizlə qabın içində bir az da yaya bilərsiniz.

4. Sonra böldüyünüz içliyin bir hissəsini xəmirin üzərinə yayın.

5. İkinci kündəni də yayıb içliyin üzərinə sərin və bu xəmirin hər tərəfdən kənarlarını aşağıdakı xəmirin altına yığın. Onun da üzərinə içlik yayın və üçüncü kündəni də yayıb onun üstünə qoyun.

6. Üçüncü yuxanın da kənarlarını alta doğru yaxşı bükün. Bu ona görə edilir ki, bişərkən şirə kənara axmasın. Üstünə yumurta sarısı sürtün.

7. Yuxanı zədələmədən bir çöpün yardımı ilə üzərində paxlava rombları çəkin. Amma çox yavaş edin, çünki yuxaya zərər dəysə, bişmə əsnasında şirə axacaq.

8. Əvvəlcədən 180 dərəcədə isidilmiş sobaya qoyun. Təxminən 45 dəqiqə üstü qızaran qədər bişirin. Tamamilə soyuduqdan sonra çəkdiyiniz rombların üzəri ilə paxlava formasında doğrayaraq servis edə bilərsiniz.

Nuş olsun!

Ailem.az


. .
Загрузка...
Загрузка...

Əziz və çox dəyərli xanımlar!

Buta design” şirkəti sizə növbəti çox maraqlı olan Evdarliq.Az layihəsini təqdim edir.

Bizimlə Siz dadlı yeməklərin rahat və müxtəliv çesidli reseptləri, təmizlik işlərinin sirri, ev əşyalarına düzgün qulluq qaydaları, interyerə uyğun əşyaların  düzgün düzülülşü və dünyada mətbəx və evə aid bütün yeniliklərdən xəbərdar olacaqsınız. 

Saytımıza daxil olduqda ev işlərində  daha  təcrübəli olmanız və bününla daha az zaman sərf etməniz üçün çox çalışacayıq. Ən əsas məqsədimiz isə əldə etdiyiniz maraqlı məlumatlar sayəsində  sizə çətin gələn işlərin asanlaşmasıdır.

Qoy bundan sonra gündəlik ev işləri, öhdəsindən rahatlıqla gəldiyiniz üçün  sizə yalnız həzz hissi yaşatsın!

Hörmətlə,

Evdarlıq.Az

Яндекс.Метрика