Bişmiş squşonka ilə asan hazırlanan şirniyyat. Foto-resept

Məhsullar:

- 200 qr kərə yağı

- 200 qr xama

- 1 yumurta

- yarım ç.q. soda

- yarım ç.q. limon şirəsi

- 3 stəkan un

- 1 banka bişmiş squşonka

- 1 stəkan şəkər tozu (üzərinə səpmək üçün)

Hazırlanması:

1. Kərə yağını əridin, soyudun, yumurta və xamanı əlavə edin, qarışdırın.

2. Sodaya limon şirəsini əlavə edin, qarışdırın, kütləyə əlavə edin.

3. Unu ələyin, kütləyə əlavə edin, qarışdırın, xəmir yoğurun. Yumşaq, əllərə yapışmayan xəmir alınır.

4. Xəmiri 6 hissəyə bölün, boşqaba qoyun, plyonkaya bükün, 1 saat soyuducuda saxlayın.

5. Xəmiri nazik yayın, 8 hissəyə kəsin, 1 ç.q. squşonka qoyun, şəkildə göstərildiyi kimi bükün.

6. Şəkər tozuna batırın, kağız sərilmiş tavaya düzün.

7. Sobanı qabaqcadan 180 C qədər qızıdırn, şirniyyatı təxminən 30-40 dəqiqə bişirin.

Nuş olsun!

Evdarliq.az


.
.
Загрузка...