Qoz və kişmişlə KEKS

Məhsullar:

- 1 stəkan un

- 1 stəkan şəkər tozu

- 1 ç.q. qabartma tozu

- 150 qr kərə yağı

- 3 yumurta

- 1 stəkan qoz ləpəsi

- yarım stəkan kişmiş

- 1 ç.q. darçın.

- pudra (üzərinə səpmək üçün).

Hazırlanması:

1. Kişmişi isti suda 15 dəqiqə saxlayın, suyu süzün, salfetin üstündə qurudun.

2. Qozu blenderin köməyi ilə xırda doğrayın.

3. Yumşaq kərə yağını şəkər tozu ilə mikserlə çalın.

4. Bir-bir yumurta əlavə edin, mikserlə çalın.

5. Unu qabartma tozu ilə qarışdırın, ələyin, kütləyə əlavə edin, qarışdırın.

6. Qoz, kişmiş və darçını əlavə edin, yenə qarışdırın. Xəmir qatı xama kimi alınmalıdır.

7. Xəmiri formaya qoyun, qabaqcadan 180 C qədər qızdırılmış sobada təxminən 40 dəqiqə bişirin.

8. Keksi soyudun, üzərinə pudra səpin.

Nuş olsun!

Evdarliq.az