Bişmiş kremlə YÜNGÜL və DADLI PİROQ

Ətraflı

Nəşr edilib 07.02.2018

Baxış sayı: 977

Məhsullar:

Krem:

- 250 ml süd

- yarım stəkan şəkər tozu

- 2 x.q. un

- 2 yumurta

- 1 ç.q. vanil

Xəmir:

- 1 stəkan un

- 1 ç.q. qabartma tozu

- 1 stəkan şəkər tozu

- 3 yumurta

Hazırlanması:

1. Krem: qazanda süd və şəkərin yarısını yaxşı qarışdırın, qaynamaga qoyun. Şəkər əriyəndə, oddan götürün. Ayrı qabda qalan şəkər, 2 x.q. un, vanil və yumurtanı qarışdırın, üzərinə qazandan yarım stəkan süd tökün, yaxşı qarışdırın, yenidən qazana tökün, qazanı odun üzərinə qoyun, qarışdıra-qarışdıra bir neçə dəqiqə qaynadın. Qatı kütlə alınmalıdır.  Oddan götürün, 1 saat ərzində soyudun.

2. Xəmir: unu qabartma tozu ilə birlikdə ələyin, yumurtanı şəkər tozu ilə qatı kütlə alınana qədər çalın, ehtiyatla unu əlavə edin, tez qarışdırın ki, kütlənin həcmi azalmasın.

3. Sobanı 180 C qədər qızdırın. Formaya yağ çəkin, xəmirin yarısını qoyun, üzərinə krem  və sonra yenə xəmir qoyun.

4. Piroqu 30-40 dəqiqə bişirin.

Nuş olsun!

Evdarliq.az