Kivi ilə YÜNGÜL VƏ DADLI PİROQ

Tərkib:

- 200 qr kərə yağı

- 1 stəkan şəkər tozu

- 2 stəkan un

- 2 yumurta

- 1 stəkan xama

- 2 x.q. nişasta

- 2-3 kivi

- 1 ç.q. qabartma tozu

Hazırlanması:

1. Soyuq yağı sürtgəcdən keçirin, 1 yumurta və yarım stəkan şəkər tozu əlavə edin, çəngəllə yaxşı qarışdırın.

2. Ələnmiş un və qabartma tozu əlavə edin, qarışdırın, xəmir yoğurun.

3. Xəmiri plyonkaya bükün, 1 saat soyuducuda saxlayın.

4. İçlik: Xama, qalan şəkər və 1 yumurtanı mikserlə çalın, nişasta əlavə edin, yenə çalın. Kivini soyun, kub şəklində doğrayın.

5. Xəmiri soyuducudan çıxardın, 1 sm qalınlıqda yayın, yağ çəkilmiş formaya qoyun, qıraqlarını qaldırın, çəngəllə bir neçə yerdən deşin.

6. Formanı qabaqcadan 180 C qızdırılmış sobaya qoyun, təxminən 15 dəqiqə bişirin.

7. Yarıhazır xəmiri bir qədər soyudun, üzərinə kivi düzün, sonra xamalı kütləni tökün. Formanı yenə sobaya qoyun və 20-25 dəqiqə bişirin.

Nuş olsun!

Evdarliq.az


.
.
Загрузка...