Asan hazırlanan SÜDLÜ BULKALAR

Tərkib:

- 1 stəkan ilıq süd

- 80 qr əridilmiş kərə yağı

- 7 x.q. şəkər tozu (xəmirə) + 2-3 x.q. şəkər tozu (bulkaların üzərinə səpmək üçün)

- yarım ç.q. duz

- yarım kq un

- 1 x.q. quru maya

- 2 yumurta (1 yumurta xəmirə, 1 yumurta bulkaların üzərinə çəkmək üçün)

Hazırlanması:

1. Un quru maya ilə qarışdırılır, şəkər tozu, süd, yağ, duz, çalınmış yumurta əlavə olunur, xəmir yoğrulur.

2. Xəmiri 1 saat isti yerdə saxlayın. Xəmir qalxanda 5 dəqiqə yoğurun və yenə 1 saat saxlayın.

3. Xəmiri 12-16 yerə bölün, bulka formasına salın.

4. Bulkaları yağ çəkilmiş tavaya düzün, üzərinə mətbəx dəsmalı sərin, yarım saat saxlayın.

5. Bulkaların üzərinə 1 ç.q. su ilə çalınmış yumurta çəkin, üzərinə şəkər tozu səpin.   

6. Sobanı qabaqcadan 180-200 C qədər qızdırın, 20-30 dəqiqə bişirin.

Nuş olsun!

Evdarliq.az