Lavaşdan CEMLİ PİROQ. ÇOX ASAN!

Ətraflı

Nəşr edilib 02.02.2017

Baxış sayı: 5339

Lavaşdan çox dadlı piroqlar hazırlamaq olar. Sizə çox dadlı cemli piroqun reseptini təqdim edirik.

Tərkib:

- 2 iri lavaş

- 300 qr xama

- 2 yumurta

- 1/2 stəkan şəkər tozu

- 1 paket vanilli şəkər tozu

- 300 qr qatı cem

Hazırlanması:

1. Xama, yumurta, şəkər tozu, vanilli şəkər tozu yaxşı qarışdırırlır.

2. Formaya yağ çəkin, lavaş qoyun, üzərinə fırça ilə yumurtalı-xamalı kütləni çəkin. Lavaşın qıraqları formadan sallanmalıdr.

3. Üzərinə o biri lavaşı qoyun, yenə yumurtalı-xamalı kütləni çəkin, üzərinə cemin yarısını qoyun, lavaşın qıraqlarını cemin üzərinə qatlayın.

4. Üzərinə qalan cemi qoyun, o biri lavaşın qıraqlarını qatlayın, üzərinə yumurtalı-xamalı kütləni tökün.

5. Sobanı qabaqcadan 180 C qədər qızdırın. Piroqu üstü qızarana qədər bişirin (təxminən 20 dəqiqə).

Nuş olsun!

Evdarliq.az