Ballı biskvit

Ətraflı

Nəşr edilib 19.01.2017

Baxış sayı: 6442

Çox dadlı və ətirli biskvit alınır. Biskviti 2-3 hissəyə bölüb və istənilən krem çəkib tort hazırlaya bilərsiniz.

Ərzaqlar:

- 5 yumurta

- 1 stəkan şəkər tozu

- 6 x.q. bal

- 1 ç.q. soda

- 2 stəkan un

Hazırlanması:

1. Bal və sodanı qazana qoyun və vam odda qarışdıra-qarışdıra qızdırın. Kütlə tündləşməli və artmalıdır.

2. Başqa qabda yumurtanı şəkər tozu ilə mikserlə yaxşı çalın.

3. Yumurtalı kütləyə ballı kütləni əlavə edin, mikserlə qarışdırın.

4. Hissə-hissə ələnmiş un əlavə edin, qaşıqla qarışdırın. Xama qatılığında kütlə alınmalıdır.

5. Sobanı qabaqcadan 180 c qədər qızdırın. Biskviti təxminən 30-40 dəqiqə ərzində bişirin.

6. Biskvitin üzərini əridilmiş şokolad və doğranmış qozla bəzəmək olar.

Nuş olsun!

Evdarliq.az