Ərik qurusu və kişmişlə KƏSMİKLİ PİROQ

Tərkibi:

- 300 qr kəsmik

- 2 yumurta

- 100 qr kərə yağı

- yarım stəkan şəkər tozu

- 1 stəkan un

- yarım stəkan ərik qurusu

- yarım stəkan kişmiş

- 1 ç.q. qabartma tozu

- 1 paket vanilli şəkər tozu

- pudra (üzərinə səpmək üçün)

Hazırlanması:

1. Ərik qurusu və kişmiş yaxşı yuyulur, qaynar suda 10 dəqiqə ərzində isladılır, sonra salfetin üzərinə qoyulur ki, qurusun. Ərik qurusu xırda doğranılır.

2. Kəsmik, yumşaq kərə yağı, yumurta, şəkər tozu, vanilli şəkər tozu, ərik qurusu və kişmiş mikserlə yaxşı çalınır.

3. Un qabartma tozu ilə qarışdırılır, kütləyə hissə-hissə əlavə olunur, yaxşı qarışdırılır.

4. Sobanı 180 C qədər qızdırın, formaya tökün, 30-35 dəqiqə ərzində bişirin.

5. Piroqu soyudun, üzərinə pudra səpin.   

Nuş olsun!

Evdarliq.az