Qəhvəli-qozlu piroq

Tərkib:

- 1 stəkan un

- 1 stəkan şəkər tozu

- 2 yumurta

- yarım stəkan qatıq

- 3 ç.q. qəhvə

- 1 paket qabartma tozu

- 100 qr kərə yağı

- yarım stəkan qoz

- pudra (üzərinə səpmək üçün)

Hazırlanması:

1. Yumurta şəkər tozu ilə çalınır.

2. Yumşaq kərə yağı əlavə olunur, yenə mikserlə çalınır.

3. Qəhvə qatıqda əridilir, yumurtalı-şəkərli kütləyə əlavə olunur, yaxşı qarışdırılır.

4. Un qabartma tozu ilə yaxşı qarışdırılır, ələnir, duru kütləyə əlavə olunur, yaxşı qarışdırılır.

5. Xırda doğranmış qoz əlavə olunur, qarışdırılır.

6. Xəmiri yağ çəkilmiş formaya qoyun, 180 C qədər qızdırılmış sobada hazır olana qədər bişirin. (Hazır olub-olmadığını diş çöpü ilə yoxlayın.)

7. Piroqu soyudun, üzərinə pudra səpin.

Nuş olsun!

Evdarliq.Az