Şokoladlı bulkalar. Asan resept

Tərkib:

- 1 stəkan süd

- 3 x.q. şəkər tozu

- 2 yumurta (1 yumurta - xəmir üçün, 1 yumurta - bulkların üzərinə çəkmək üçün)

- 50 qr kərə yağı

- 1 paket vanilli şəkər tozu

- 2 stəkan un

- 1 çimdik duz

- 3 x.q. bitki yağı (iysiz)

- 1 ç.q. quru maya

İçlik:

- Şokolad pastası

Hazırlaması:

1. İlıq südə maya, 1 ç.q. şəkər tozu, 2 x.q. un əlavə edin, qarışdırın. İsti yerə qoyun ki, qalxsın.

2. Yumurtanı şəkər tozu, vanil və duzla çalın, bitki yağı, ərinmiş kərə yağı, maya əlavə edin, qarışdırın.

3. Hissə-hissə ələnmiş un tökün, üzərinə dəsmal sərin, isti yerə qoyun.  

4. 1,5 saatdan sonra xəmiri qatın, eyni hissələrə bölün, yastıladın, içinə şokolad pastasını qoyun, qıraqları bükün, bulka şəklinə salın.

5. Tavaya yağ çəkin, bulkaları düzün (aralarında məsafə qalmalıdır).  Bulkaların üzərinə dəsmal salın, 20-30 dəqiqə saxlayın ki, bulkalar şişsin.

6. Sobanı qabaqcadan 180 C qədər qızdırın, bulkalara yumurta sarısını çəkin, təxminən 20 dəqiqə ərzində bişirin.

Nuş olsun!

Evdarliq.az