Tez hazırlanan ÇİYƏLƏKLİ peçenye

Çox dadlı, zərif və ətirli peçenyedir.

Tərkib:

- 300 qr çiyələk

- 100 qr kərə yağı

- 2 stəkan un

- 2 ç.q. qabartma tozu

- 1 stəkan şəkər tozu

- 250 qr qatı xama

- 1 çimdik duz

Hazırlanması:

1. Şəkər tozu yumşaq kərə yağı ilə qarışdırılır.

2. Un qabartma tozu ilə birlikdə ələnir, yağı-şəkərli kütləyə əlavə olunur, duz əlavə olunur, yaxşı qarışdırılır.

3. Kütləyə xama əlavə olunur, qarışdırılır.

4. Çiyələk yuyulur, təmizlənir, kiçik tikələrə doğranılır, xəmirə əlavə olunur, qarışdırılır.

5. Sobanı qabaqcadan 180 C qədər qızdırın.

6. Tavaya perqament kağızını sərin. Xəmirdən xörək qaşığı ilə götürüb tavanın üzərinə peçenyeləri düzün. Peçenyelərin arasında məsafə qalmalıdır.

7. Peçenye 20-25 dəqiqə ərzində bişirilir.

Nuş olsun!

Evdarliq.Az


.