Xamalı peçenye

Yüngül, ətirli və çox dadlı peçenyedir.

Tərkib:

- 200 qr xama

- 100 qr kərə yağı

- 350 qr un

- 1/2 stəkan şəkər tozu (+ üzərinə səpmək üçün)

- 1/2 ç.q. soda

- 1 paket vanilli şəkər tozu

- 3 x.q. xırdalanmış qoz

Hazırlanması:

1. Yumşaq kərə yağı xama ilə qarışdırılır.

2. Qoz, şəkər tozu, vanilli şəkər tozu əlavə olunur, qarışdırılır.

3. Ələnmiş un və soda əlavə olunur, qarışdırılır, xəmir yoğurulur. Sodanı söndürmək lazım deyil.

4. Xəmiri soyuducuda 2 saat ərzində saxlayın.

5. Xəmiri yayın, istənilən formada peçenye kəsin.

6. Enlı boşqaba şəkər tozu tökün. Peçenyenin 1 tərəfini şəkər tozuna batırın.

7. Tavaya perqament kağızı sərin. Peçenyeni düzün.

8. Sobanı qabaqcadan 160 C qədər qızdırın və peçenyeni 20-30 dəqiqə ərzində bişirin.

Nuş olsun!

Evdarliq.Az