İtalyan biskviti MARQARİTA

İtaliyada bu ənənəvi desert sayılır. Biskvit hər zaman yaxşı alınır. Biskviti bişirdikdən sonra onu 2 və ya 3 hissəyə bölüb arasına istənilən krem, cem və s. çəkmək olar.

Tərkib:

- 4 ədəd yumurta (ev temperaturunda olmalıdır)

- 150 qr şəkər tozu

- 100 qr un

- 100 qr kartof nişastası

- 1 x.q. qabartma tozu

- 80 qr kərə yağı

- limon sedrası və ya vanilin (zövqə görə)

- şəkər pudrası

Hazırlanması:

1. Yumurta şəkər tozu ilə mikserlə yaxşı çalınır. Kütlə təxminən 3 dəfə artmalıdır.

2. Kərə yağı əridilir və bir qədər soyudulur.

3. Yumurta kütləsinə vanilin və ya limon sedrası əlavə olunur.

4. Un, nişasta və qabartma tozu birlikdə ələnir və ehtiyatla yumurtalı kütləyə əlavə olunur.

5. Aşağıdan yuxarıya doğru qaşıqla ehtiyatla qarışdırılır.

6. Kərə yağı əlavə olunur, yenə də ehtiyatla qarışdırılır.

7. Formanın dibinə kərə yağı çəkin, un səpin, xəmir qoyun.  

8. Sobanı qabaqcadan 180 C qədər qızdırın və biskviti təxminən 40-45 dəqiqə ərzində bişirin. İlk 20 dəqiqə ərzində sobanın qapısını açmaq olmaz.

9. Hazır biskviti soyudun və üzərinə şəkər pudrası səpin.

Nuş olsun!

Evdarliq.Az