Ətirli sitruslu piroq

İnqrediyentlər:

- 100 ml süd

- 1 x.q. quru maya

- 200 qr kərə yağı

- 1,5 stəkan şəkər tozu (1 stəkan - içlik, 1/2 stəkan - xəmir üçün)

- 1/2 ç.q. duz

- 3 st. un

- 1 limon

- 1 portağal

- 2 x.q manna yarması

Hazırlanması:

1. Yumşaq kərə yağı ilə un qarışdırılır (ovuntu kimi alınmalıdır).

2. İlıq südə maya və 2 ç.q. şəkər tozu əlavə edin, qarışdırın.

3. Unlu-yağlı kütləyə südlə mayanı, qalan şəkər tozu və duz əlavə edin, yaxşı qarışdırın, xəmir yoğurun və 30 dəqiqə soyuducuda saxlayın.

4.  İçlik üçün limonun və portağalın qabıqlarını nazik soyun, 2 hissəyə bölün, çəyirdəkləri çıxardın və blenderdə əzin, şəkər tozu və manna yarmasını əlavə edin, qarışdırın. 15-20 dəqiqə gözləyin ki, manna yarması şişsin.

5. Xəmiri 2 hissəyə bölün.

6. Formaya kərə yağı çəkin, üzərinə xəmir qoyun.

7. Xəmirin üzərinə içlik qoyun, hamarlayın və üzərinə xəmirin ikinci hissəsini qoyun.

8. Piroqun üzərini çəngəllə bir neçə yerdən deşin.

9. Sobanı qabaqcadan 180 C qədər qızdırın və piroqu 40-50 dəqiqə ərzində bişirin.   

10. Piroq soyuyandan sonra üzərinə şəkər kirşanı (pudra) vurmaq olar.

Nuş olsun!

Evdarliq.Az


.