Qışa tədarük

Çox ləzzətli çiyələk mürəbbəsi

Ən dadlı mürəbbələrdən biri olan çiyələk mürəbbəsinin bişirilməsində bəzi incəliklər var.

Təqdim etdiyimiz reseptə uyğun bişirilən mürəbbə həm dadına, həm də xarici görünüşünə görə çox gözəl alınır.

Lazım olan məhsullar:

- Çiyələk - 1 kq

- Şəkər tozu - 1-1,2 kq (çiyələk şirindirsə - 1 kq, çox şirin deyilsə - 1,2 kq şəkər tozu götürülür).

Hazırlanması:

1. Çiyələyi bir-bir seçin (yetişib ötmüş, əzik, xarab meyvələr istifadə olunmur), yuyun və yalnız bundan sonra kasayarpaqları qopardın.

2. Çiyələyi minalanmış ləyənə tökün, daha iri meyvələri tən yarı bölün. Üzərinə şəkər tozu tökün və 4-6 saat ərzində saxlayın ki, çiyələk şirəsini buraxsın.

3. Daha sonra ləyəni odun üzərinə qoyun, qaynamağa başladıqda odu azaldın və mürəbbənin üzərinə çıxan köpüyü yığa-yığa 5 dəqiqə ərzində qaynadın və oddan götürün.

4. Mürəbbəni 10 saat ərzində saxlayın və sonra yenə 5 dəqiqə ərzində qaynadın və 10 saat soyudun. Mürəbbəni 3 dəfə hər dəfə 5 dəqiqə ərzində bişirmək lazımdır. Bunun nəticəsində meyvələr öz formasını saxlayacaq və dağılmayacaq.

5. 3-cü dəfə mürəbbəbi 5 dəqiqə ərzində bişirin və sonra oddan götürüb dərhal sterilizasiya olunmuş bankalara yığın və sterilizasiya olunmuş dəmir qapaqlarla bağlayın. Sonra ədyala bükün və soyana kimi saxlayın.

6. Hazır mürəbbəni sərin qaranlıq yerdə saxlamaq lazımdır.

Bu üsulla bişirilmiş çiyələk mürəbbəsində, demək olar, bütün faydalı maddələr saxlanılır.

Nuş olsun!

Saglamolun.Az


. .
Загрузка...
Загрузка...

Əziz və çox dəyərli xanımlar!

Buta design” şirkəti sizə növbəti çox maraqlı olan Evdarliq.Az layihəsini təqdim edir.

Bizimlə Siz dadlı yeməklərin rahat və müxtəliv çesidli reseptləri, təmizlik işlərinin sirri, ev əşyalarına düzgün qulluq qaydaları, interyerə uyğun əşyaların  düzgün düzülülşü və dünyada mətbəx və evə aid bütün yeniliklərdən xəbərdar olacaqsınız. 

Saytımıza daxil olduqda ev işlərində  daha  təcrübəli olmanız və bününla daha az zaman sərf etməniz üçün çox çalışacayıq. Ən əsas məqsədimiz isə əldə etdiyiniz maraqlı məlumatlar sayəsində  sizə çətin gələn işlərin asanlaşmasıdır.

Qoy bundan sonra gündəlik ev işləri, öhdəsindən rahatlıqla gəldiyiniz üçün  sizə yalnız həzz hissi yaşatsın!

Hörmətlə,

Evdarlıq.Az

Яндекс.Метрика