Qışa ASSORTİ SALATI

Çox dadlı, ətirli salat alınır.

Tərkib:

- 4 kq xiyar

- 1 kq baş soğan

- 1 kq bolqar bibəri

- 1 kq kök

- 4 ədəd acı bibər

- 1 iri baş sarımsaq

- yarım stəkan şəkər tozu

- 4 x.q. duz

- 200 qr 9% sirkə

- 200 qr bitki yağı

Hazırlanması:

1. Xiyarı yumru-yumru, bolqar bibəri və soğanı yarım halqalar şəklində, acı bibəri və sarımsağı xıra-xırda doğrayın, kökü sürtgəcin iri gözündən keçirin.

2. Böyük qazana bütün inqrediyentləri tökün, şəkər tozu, duz, sirkə, bitki yağı, 2 stəkan qaynanmış su  əlavə edin, yaxşı qarışdırın.  

3. Qazanın qapağını örtün, 2 saat ərzində otaq temperaturunda saxlayın. Tərəvəzlər çoxlu şirə buraxacaq.

4. Sonra tərəvəzləri yenə də yaxşı qarışdırın, yarım və ya 1 l-lik bankalar kip yığın, üzərinə qazanda olan şirəni tökün.

5. Bankaların üzərinə qapaqları qoyun, 15 dəqiqə ərzində su ilə dolu qazanda sterilizə edin, sonra isə qapaqları kip bağlayın.  

Nuş olsun!

Evdarliq.az