Albalı mürəbbəsinin hazırlanması

Tərkib:

- 2 kq albalı

- 1,8 kq (1 kq 800 qr) şəkər tozu

Hazırlanması:

1. Meyvələri seçin, çürük, xarab meyvələri istifadə etməyin.

2. Meyvələri yaxşı yuyun, aşsüzənə yığın ki, suyu süzülsün.

3. Çəyirdəkləri çıxardın.

4. Meyvələri hissə-hissə enli ləyənə yığın, hər dəfə üzərinə şəkər tozu tökün. Axşamdan səhərə kimi saxlayın ki, şirəsi çıxsın.

5. Mürəbbəni orta odun üzərinə qoyun, qaynayandan sonra 5 dəqiqə daynadın, soyudun.

6. Tam soyuyandan sonra yenə odun üzərinə qoyun, 5 dəqiqə qaynadın, yenə soyudun.

7. Tam soyuyandan sonra 3-cü dəfə odun üzərinə qoyun və hazır olana qədər bişirin.

8. Hazır olub-olmadığını yoxlamaq üçün mürəbbənin 1 damçısını nəlbəkiyə tökün. Damcı yayılmayıbsa - mürəbbə hazırdır.

9. Bankaları və qapaqları qabaqcadan sterilizasiya edin və mürəbbəni isti halda bankalara yığıb qapaqları bağlayın.

Nuş olsun!

Evdarliq.az   

Youtube kanalımıza abunə olun ki, faydalı videolardan xəbəriniz olsun

Dəri niyə qaşınır? 15 ƏN YAYILMIŞ SƏBƏB