Lavaşla pirojkilər

Lavaşla pirojkilərin hazırlanma qaydasını təqdim edirik

Tərkibi (20 ədəd): 

- 4 lavaş
- 300 q kəsmik
- 1 ç.q. xardal
- 1 dəstə şüyüd
- 130 q pendir
- duz
- 1 yumurtanın sarısı
- 1 ç.q. su
- bitki yağı

Kəsmiyi xardal və duzla yaxşıca qarışdırın. 
Şüyüdü yuyub xırda doğrayın. 
Pendiri sürtgəcin iri gözündən keçirin. Kəsmik, şüyüd və pendiri qarışdırın. 
Hər lavaşı eninə təxminən 5 bərabər hissəyə bölün. Bir şəridin bir tərəfinə iç qoyub üçbucaq formasında bükün (üçqulaq paxlava kimi). 
Digər lavaşları da eyni qaydada hazırlayın. 
Yumurta sarısına 1 ç.q. su əlavə edib çəngəllə çalın. 
Hər pirojkinin iki üzünə də yumurta sarısı çəkin.  
Bitki yağında hər iki üzünü qızardın. 

Nuş olsun! 

Milli.az

Youtube kanalımıza abunə olun ki, faydalı videolardan xəbəriniz olsun

Dəri niyə qaşınır? 15 ƏN YAYILMIŞ SƏBƏB