Tez və asan hazırlanan ƏTLİ PİROQ

Bu piroq həqiqətən çox tez və asan hazırlanır.

Lazım olan məhsullar:

Xəmir üçün:

- 1 stəkan un

- 1 stəkan qatıq

- 2 ədəd yumurta

- 2 ç.q. qabartma tozu

İçlik üçün:

- 300 qr farş

- 1 baş soğan

- keşniş, duz, istiot.

Hazırlanması:

1. Qatığa qabartma tozu əlavə edin, 7 dəqiqə saxlayın.

2. Soğanı xırda doğrayın, farşla birlikdə tavada bir qədər qızardın, duz, istiot, xırda doğranmış keşniş əlavə edin.

3. Qatığı enli qaba tökün, yumurta, ələnmiş un, bir az duz əlavə edin, yaxşı qarışdırın.  

4. Formanın divarlarına və dibinə bitki yağı çəkin, bir az un səpin.

5. Xəmirin yarısını tökün, üzərinə içlik qoyun, ikinci yarısını tökün.

6. Sobanı qabaqcadan 170 C qədər qızdırın və 35-40 dəqiqə ərzində bişirin.

Nuş olsun!

Evdarliq.Az