Dadlı və yumşaq KƏLƏM PİROQU

Məhsullar:

Xəmir:

- 200 qr süd

- 7 qr quru maya

- 100 qr kərə yağı

- 2 yumurta

- 500-550 qr un

- duz

İçlik:

- 1 kq kələm

- 2 baş soğan

- 2 yumurta

- duz, istiot, sarıkök

- bitki yağı

Üzərinə çəkmək üçün: yumurta

Hazırlanması:

1. İlıq süddə mayanı əridin, 100 qr un əlavə edin, isti yerə qoyun.

2. 15-20 dəqiqədən sonra yağ, yumurta, duz əlavə əlavə edin, qarışdırın.

3. Un əlavə edin, xəmir yoğurun, isti yerə qoyun ki, qalxsın.

4. 30 dəqiqədən sonra qatın, yenə isti yerə qoyun.

5. İçlik: Xırda doğranmış soğanı yağda qızardın, uzun-uzun doğranmış kələmi əlavə edin, yumşalana qədər qızardın, yumurta, duz, istiot, sarıkök əlavə edin, qarışdırın, vam odda bir az bişirn, soyudun.

6. Xəmiri 2 hissəyə bölün, bir hissəni yayın, yağ çəkilmiş formaya qoyun, üzərinə içlik, sonra xəmirin qalan hissəsini qoyun, piroqun qıraqlarını bərkidin, 15 dəqiqə saxlayın (üzərini mətbəx dəsmalı ilə örtün).

7. Piroqun ortasında buxarın çıxması üçün deşik açın, üzərinə yumurta çəkin, 180 C qədər qızdırılmış sobada 30-35 dəqiqə bişirin.

Nuş olsun!

Evdarliq.az


Загрузка...
..