Tərkib:
- 4 nazik lavaş
- 200-300 qr farş
- 100 qr holland pendiri
- 250 ml süd
- 1 pomidor
- 1 baş soğan
- 1 ç.q. tomat
- 25 qr kərə yağı
- 2 x.q. un
- duz, istiot, quru reyhan
- bitki yağı (qızartmaq üçün)
Hazırlanması:
1. Soğanı xırda doğrayın, bitki yağında bir az qızardın.
2. Farş əlavə edin, qızardın.
3. Tomat və qabığı soyulmuş və xırda doğranmış pomidor əlavə edin, qarışdırın, vam odda bişirin.
4. Sonda duz, istiot, quru reyhan əlavə edin, qarışdırın.
5. Sous: kərə yağını əridin, qazana ələnmiş un əlavə edin, bişirəndə daim qarışdırın. 1 dəqiqədən sonra süd əlavə edin, 3 dəqiqə ərzində bişirin, daim qarışdırın. Sonra yenə 100 ml süd və duz əlavə edin, qarışdırın, qatılaşanda oddan götürün.
6. Lavaşı lazanya bişirdiyiniz formaya uyğun kəsin.
7. Lavaşı formaya qoyun, farşın 1/3 hissəsini tökün, üzərinə sousun 1/3 hissəsini tökün. Yenə lavaş, farş, sous. 3 belə lay alınmalıdır.
8. Üzərinə sürtgəcdən keçirilmiş pendir səpin.
9. Sobanı qabaqcadan 190 C qədər qızdırın, lazanyanı 10 dəqiqə ərzində bişirin.
Nuş olsun!
Evdarliq.az
Youtube kanalımıza abunə olun ki, faydalı videolardan xəbəriniz olsun
