Göbələkli dolma. Nəfis dad!

Çox dadlı və qeyri-adi yeməkdir.

Lazım olan məhsullar:

- 8 bolqar bibəri,

- 500 qr şampinyon,

- 2 dənə soğan,

- 2 dənə pomidor,

- 1 dənə kök,

- 70 qr düyü,

- 300 qr ət bulyonu,

- 3 xörək qaşığı tomat

- 50 qr zeytun yağı,

- 1 dəstə cəfəri, 1 dəstə şüyüd,

- duz, istiot

Hazırlanması:

1. Tavada xırda doğranmış gobələklə soğan zeytun yağında qızardılır.

2. Qabığı soyulmuş və xırda doğranmış pomidor, sürtgəcdən keçirilmiş kök və xırda doğranmış göyərtilər əlavə olunur və vam odda bişirilir.

3. Tərəvəzlər hazır olanda 2 xörək qaşığı tomat, yarıbişmiş düyü və zövqə görə duz və istiot əvalə olunur və yaxşı qarışdırılır. Bir neçə dəqiqə qaynadıqdan sonra içlik kənara qoyulur və soyudulur.

4. Bibər yuyulur və təmizlənir. Bibərə içlik doldurulur, divarları qalın qazana yığılır və üzərinə çıxana qədər bulyonla qarışdırılmış 1 xörək qaşığı tomat əlavə olunur. Yemək vam odda 30-40 dəqiqə ərzində bişirilir.

Nuş olsun!

Evdarliq.Az