Gül kələmi toyuqla sobada

Məhsullar:

- 1 iri gül kələmi

- 400 qr toyuq filesi

- 150 qr kərə yağı

- 1 x.q. üyüdülmüş suxarı

- 2 x.q. un

- 1 stəkan süd

- 3 diş sarımsaq

- 150 qr holland pendiri

- duz, istiot, sarıkök

- göyərti (zövqə görə)

Hazırlanması:

1. Gül kələmini duzlu suda bişirin, suyu süzün.

2. Toyuğu tikələrə doğrayın, bir qədər qızardın.

3. Formaya kərə yağı çəkin, 1 x.q. suxarı səpin.

4. Toyuğu düzün, üzərinə xırda doğranmış göyərti səpin, üzərinə kələmi düzün.

5. Kərə yağını əridin, un əlavə edin, qarışdırın, süd, əzilmiş sarımsaq və duz əlavə edin, qarışdırın. Bu sousu kələmin üzərinə bərabər şəkildə tökün.

6. Pendiri sürtgəcdən keçirin, üzərinə səpin.

7. Sobanı qabaqcadan 180 C qədər qızdırın, 30 dəqiqə bişirin.

Nuş olsun!

Evdarliq.az


.