QARANQUŞ YUVASI kotletləri. Sadə və ləzzətli!

İnqrediyentlər:

- yarım kq farş (ət və ya toyuq)

- 2 tikə ağ baton

- 2 diş sarımsaq

- 1 kiçik baş soğan

- 1 yumurta

- 2 pomidor

- 2 bolqar bibəri

- 100 qr holland pendiri

- mayonez, ketçup, duz, istiot

Hazırlanması:

1. Farşa duz, istiot, xırda doğranmış soğan və sarımsaq, yumurta, süddə isladılmış baton (ətçəkən maşınından çəkin) əlavə edin, yaxşı qarışdırın, yumru kotletlər düzəldin, yağ çəkilmiş tavaya düzün.

2. Bibəri və pomidoru nazik dairələr, pendiri nazik tikələr şəklində doğrayın.

3. Hər kotletə ketçup və mayonez çəkin, üzərinə pomidor, pendir və bibər qoyun. İçliyi ətə bir az sıxın.

4. Sobanı qabaqcadan 180 C qədər qızdırın, kotletləri 30 dəqiqə bişirin. Hazır olanda üzərinə xırda doğranmış göyərti səpin.

Nuş olsun!

Evdarliq.az


Загрузка...
. .