Jalüzlərin təmizlənməsi. Faydalı məsləhətlər

Jalüzləri tez-tez təmizləməyə ehtiyac olmur. Onları yalnız ehtiyac yarandıqda təmizləyirlər.

Lakin jalüzlərə heç qulluq edilmədikdə onların üzərində səhhətimiz üçün təhlükəli toz yığılır.

İstənilən tipdə olan jalüzləri (plastikdən, dəmirdən, parçadan, taxtadan olanları) həftədə bir dəfə olmaqla tozsoranla təmizləmək lazımdır. Müasir tozsoranlarda jalüzləri təmizləmək üçün xüsusi fırça olur.

Əgər metaldan və ya plastikdən olan jalüzlər çox çirklənibsə, onları yumaq lazımdır. Yumadan əvvəl onları tozsoranla təmizləyin, sonra sabunlu suda isladın, duşla yaxalayın və əski ilə yaxşı qurulayın.

Taxtadan hazırlanmış jalüzləri yumaq olmaz, əks halda onlar öz formasını itirəcək, xarab olacaqlar. Belə jalüzləri əski ilə silmək lazımdır.

Parça jalüzləri tez-tez yumaq olmaz. Onların üzərində xüsusi qotuyucu qat var. Yuma zamanı bu qat yox olur və jalüzlər daha tez çirklənməyə başlayır, onların xarici görünüşü pisləşir.  

Çox çirklənmiş parça jalüzləri tozsoranla təmizləyin, yerindən çıxardın, plastik detalları ayırın və vannada sabunlu suda isladın. Saha sonra yaxşı yaxalayın, dəsmallara sərilmiş vəziyyətdə qurudun və yerinə asın.

Parça jalüzləri paltaryuyan maşınında yumaq tövsiyə edilmir.

Jalüzlərin çirklənmiş plastik detallarını sabunlu suda yumşaq fırça ilə yuyur, təmiz suda yaxalayır və silirlər.

Evdarliq.Az