Anaların nəzərinə! Qələmlərdən qalan ləkələrin aparılması

Ətraflı

Nəşr edilib 07.03.2016

Baxış sayı: 9794

Hər bir şagirdin anası məktəb köynəklərində əmələ gələn qələm ləkələri ilə mübarizə aparmağa məcburdur.

Bu heç də asan iş deyil. Sizə belə ləkələrin aparılması üsullarını təqdim edirik.

Təzə ləkələri aparmaq daha asandır. Bu səbəbdən qələmdən düşən ləkəni tez aparmağa çalışın.    

1. Ləkəyə limon şirəsini çəkin, bir qədər sürtün, saxlayın və sonra paltarı adi qaydada yuyun.

2. Qatıq da belə ləkələri tez aparır. Ləkəyə qatıq çəkin, saxlayın və sonra yuyun.

3. Hidroqen peroksidinin ("perekis") köməyi ilə belə ləkələri aparmaq olar. 1 stəkan suya 1 xörək qaşığı "perekis" əlavə edin, qarışdırın, ləkələrə çəkin, bir qədər ovuşdurun, saxlayın və sonra paltarları adi qaydada yuyun.

4. Naşatır spirti müxtəlif ləkələri aparır. 1 xörək qaşığı spirt 1 stəkan ilıq suda qarışdırılır və ləkə yaxşı isladılır. Sonra bir qədər saxlanılır və yuyulur.  

Evdarlıq.Az