İşinizə yarayacaq 10 GÖZƏLLİK SİRRİ – 1ci hissə

Hər bir qadın sağlam olmaq və qüsursuz görünmək istəyir. Instyle Magazine-in sentyabr sayında mükəmməl görünmək istəyənlər üçün saç,

makiyaj və dəriyə qulluqla bağlı mütəxəssislərdən məsləhətlər alınıb... Faydalı və praktik gözəllik məsləhətlərini sizə təqdim edirik.

1) Serumla işıqlandırın:

Dərinizə parlaqlıq qatmaq istədiyiniz nöqtələrə, məsələn, qaş sümüyü və yanaqlarınıza serum sürə bilərsiniz. Serumların bir çox markaları var, dəri tipinizə uyğun olanı seçə bilərsiniz.

2) Dırnaq boyanızı tez qurudun:


Dırnaq lakının qurumasına kömək etmək üçün əllərinizi buzlu suda 30 saniyə saxlayın.

3) Bir dəqiqə gözləyin:

Pilinqi sərt hərəkətlərlə etməkdənsə, yüngül hərəkətlərlə və daha uzun müddətə edin. Dərinizə həddindən artıq təzyiq etməkdən çəkinin.

4) Alkoqoldan uzaq durun:

Yağ istehsalını artırır və məsamələri genişləndirir. Yuxusuzluq da eyni nəticələrə səbəb ola bilər, ona görə də yuxuya diqqət edin, ən azı 7 saat yatın.

5) Günəşdən qorunun:

Gündəlik nəmləndiricinizdə günəş kremi yoxdursa, onu yüngül bir günəş kremi ilə qarışdırın. Məhsulda sink, avobenzon və ya heliopleksin olmasına diqqət yetirin.

6) Mətbəx ləzzətini cildiniz üçün sınayın:

Quru dəriyə sağlam və təbii qulluq etmək üçün həftədə 15 dəqiqə avokado pastası ilə maska ​​hazırlayın. Və ya həftədə bir dəfə gecə kreminiz yerinə bir qaşıq zeytun yağı ilə üzünüzə masaj edə bilərsiniz. Ancaq sızanaq probleminiz varsa, bu üsuldan istifadə etməyin.

7) Narın faydası:

Çoxlu nar yeyərək günəş kreminizin təsirini artıra bilərsiniz. Nar dərinin günəşdən qorunma xüsusiyyətini yüzdə 25 artırır.

8) Pomadanızı bir dəfə çəkin:

Dodaq boyanızı gün ərzində tez-tez təkrar çəkmək əvəzinə, dodaqlarınıza bir az nəmləndirici çəkin, sonra dodaq qələmi ilə çərçivəyə çəkin və içini doldurun.

9) Həddindən artıq çox günəşdə və spa-da olmayın:

Həddindən artıq istilik dəri səpgilərini daha da pisləşdirə bilər. Çatlayan kapilyarların görünməməsi üçün sauna, buxar hamamı və ədviyyatlı yeməklərdən çəkinin.

10) Sıralamaya əməl edin:

Ən yaxşı nəticələr üçün dəriyə qulluq məhsullarını düzgün ardıcıllıqla istifadə edin. Əvvəlcə serum, sonra ağır formulalı məhsullar ilə davam edin. Məsələn, səhərlər anti-oksidant serum, ardınca nəmləndirici və nəhayət, günəş kremi çəkə bilərsiniz.

Evdarliq.Az



 

 

.