Niyə su içməliyik?

Suyun bu faydalarını bildikdən sonra onu gündəlik rutininizdə daha çox istifadə etməyə başlayacaqsınız.

Bədəni nəmli saxlamaq sağlamlıq və rifah üçün çox vacibdir, lakin qəbul edək ki, hər gün kifayət qədər maye qəbul etmirik. Bu məqaləni oxuduqdan sonra isə fikrinizi dəyişəcəyinizə və gün boyu daha çox su qəbul edəcəyinizə əmin ola bilərsiniz. İçməli suyun mümkün faydaları böyrəkləri sağlam saxlamaqdan tutmuş arıqlamağa qədərdir. Həmin faydalarla bir-bir tanış olaq:

1. Oynaqları yağlayır-Onurğanın oynaqlarında və disklərində olan qığırdaq təxminən 80% sudan ibarətdir. Uzun müddətli susuzlaşdırma, oynaqların şoku udma qabiliyyətini azalda bilər, bu da oynaq ağrısına səbəb ola bilir.

2. Tüpürcək və selik əmələ gətirir-Tüpürcək yeməyimizi həzm etməyimizə kömək edir və ağız, burun və gözləri nəm saxlayır. Su içmək, həmçinin, ağızı təmiz saxlayır. Şirinli içkilər yerinə istehlak edildikdə isə diş çürüməsini də azalda bilir.

3. Bütün bədənə oksigeni çatdırır-Qan 90 faizdən çox sudan ibarətdir və qan oksigeni bədənin müxtəlif hissələrinə daşıyır.

4. Dərinin sağlamlığını və gözəlliyini artırır-Dəri susuz qaldıqda dəri xəstəliklərinə və vaxtından əvvəl qırışlara qarşı daha müdafiəsiz olur.

5. Beyni, onurğa beyni və digər həssas toxumaları yastıqlayır-Susuzluq beyin quruluşuna və funksiyasına təsir göstərə bilir. O, həmçinin hormonların və neyrotransmitterlərin istehsalında iştirak edir. Uzun müddət davam edən susuzluq düşüncə və düşünmə ilə bağlı problemlərə səbəb ola bilir.

6. Bədən istiliyini tənzimləyir-Dərinin orta təbəqələrində toplanan su bədən istiləşdikdə tər kimi dərinin səthinə çıxır. 


7. Həzm sistemi ondan asılıdır-Bağırsağın düzgün işləməsi üçün suya ehtiyacı var. Susuzluq həzm problemlərinə, qəbizliyə və mədədə həddindən artıq turşuluğa səbəb olur.

8. Bədən tullantılarını təmizləyir-Su tərləmə, sidik və nəcisin çıxarılması proseslərində lazımdır.

9. Qan təzyiqini stabil saxlamağa kömək edir-Su çatışmazlığı qanın qatılaşmasına və qan təzyiqinin artmasına səbəb olur.

10. Tənəffüs yollarının suya ehtiyacı var-Susuz qaldıqda hava yolları su itkisini minimuma endirmək üçün bədən tərəfindən məhdudlaşdırılır. Bu astma və allergiyanı daha da pisləşdirir.

11. Mineralları və qidaları əlçatan edir-Minerallar və qidalar suda həll olunur, bu da onların bədənin müxtəlif hissələrinə çatmasını mümkün edir.

12. Böyrəklərin zədələnməsinin qarşısını alır-Böyrəklər bədəndəki mayeni tənzimləyir. Yetərsiz su böyrək daşlarına və digər problemlərə səbəb olur.

13. Məşq zamanı performansı artırır-Bəzi elm adamları daha çox su istehlakının gərgin fəaliyyət zamanı performansı artıra biləcəyini irəli sürdülər və bir araşdırma nəticəsində susuzluğun 30 dəqiqədən çox davam edən fəaliyyətlərdə performansı azaltdığı məlum oldu.

14. Çəki itirmək-Şirələr və qazlı içkilər əvəzinə su istehlak edilərsə, kilo verməyə də kömək edə bilər. Yeməkdən əvvəl su ilə "öncədən yükləmə" doymaq hissi yaradaraq həddindən artıq yeməyin qarşısını almağa kömək edir.

Evdarliq.Az