Faydalı məsləhətlər

Soyuducunu təmizləyərkən bunlara diqqət edin - MƏSLƏHƏT

Soyuducuda qorunan qidalar üçün soyuducunun işləmə istiliyi, hava sirkulyasiyası və funksionallığı ilə bərabər, təmizliyi də əhəmiyyətlidir.

Ağzı açıq qablarda saxlanan qidalar, yuyulmadan qoyulan meyvə, tərəvəz, yumurta, sellofanlardan süzülən mayelər soyuducunun içində pis qoxu və bakteriyaların yaranmasına səbəb olur. Bunun qarşısını almaq üçün soyuducunun mütəmadi olaraq təmizlənməsinə diqqət etmək lazımdır.

Təmizliyə soyuducunuzu boşaltmaqla başlayın

Soyuducu təmizliyinə başlamazdan əvvəl tez xarab olma riski daşıyan, su tərkibi çox olan qidaları istifadə etməli və ya təmizlik boyunca başqa bir soyuducuda saxlamalısınız. Bayırda gözlədilməsi təhlükəli olan donmuş balıq, ət məhsulları və təzə konserv kimi qidaları buz dolu bir qabda mühafizə edə bilərsiniz.

Təmizlik zamanı soyuducunun hər yerini yaxşıca təmizləmək üçün bütün qidaları boşaltmaq lazımdır. Soyuducunu boşaltdıqdan sonra yumurtalıq, rəf, tərəvəzlik və sair kimi bölmələri çıxara bilərsiniz. Əgər soyuducunuz buzla örtülübsə, təmizlikdən bir neçə saat əvvəl onu cərəyandan ayıraraq buzları əridə bilərsiniz.

Ağardıcı istifadə etməyin

Soyuducuları ağardıcı və digər kimyəvi vasitələrlə təmizləmək olmaz. Çünki soyuducuların şüşə və plastik səthləri qoruyucu bantla bağlanıb. Belə kimyəvi maddələr həmin qoruyucu təbəqəyə zərər vuraraq, cızıqlar, aşınmalar yaradır. Bu da həmin yerlərə toz, çirk kimi yad maddələrin yerləşməsinə və mikroorqanizmlərin yaranmasına səbəb olur. Bu isə öz növbəsində qidalar üçün təhlükəlidir. Odur ki, soyuducunuzun içini təmizləmək üçün sodalı və ya sirkəli su kimi yüngül təmizləyicilərdən istifadə etməlisiniz.

Quru çayla pis qoxunu aradan qaldırın

Soyuducunun iç qisimlərini sodalı su ilə bir süngər, yaxud bez vasitəsi ilə təmizləyin. Sonra soyuducunun içi islaq qalmasın yaxşı qurulayın. Çıxarıla bilən hissələri isə sabunlu su ilə yuyub durulaya və quruduqdan sonra yerləşdirə bilərsiniz. Soyuducunun üstünü və dəstəklərini yuyucu vasitə ilə silib, qurulaya bilərsiniz. Soyuducuya çökmüş pis qoxunu aparmaq üçün təmizlikdən sonra bir az quru çayı ağzı açıq bir qaba qoyub soyuducuda saxlayın.

Ailem.az




. .
Загрузка...
Загрузка...

Əziz və çox dəyərli xanımlar!

Buta design” şirkəti sizə növbəti çox maraqlı olan Evdarliq.Az layihəsini təqdim edir.

Bizimlə Siz dadlı yeməklərin rahat və müxtəliv çesidli reseptləri, təmizlik işlərinin sirri, ev əşyalarına düzgün qulluq qaydaları, interyerə uyğun əşyaların  düzgün düzülülşü və dünyada mətbəx və evə aid bütün yeniliklərdən xəbərdar olacaqsınız. 

Saytımıza daxil olduqda ev işlərində  daha  təcrübəli olmanız və bününla daha az zaman sərf etməniz üçün çox çalışacayıq. Ən əsas məqsədimiz isə əldə etdiyiniz maraqlı məlumatlar sayəsində  sizə çətin gələn işlərin asanlaşmasıdır.

Qoy bundan sonra gündəlik ev işləri, öhdəsindən rahatlıqla gəldiyiniz üçün  sizə yalnız həzz hissi yaşatsın!

Hörmətlə,

Evdarlıq.Az

Яндекс.Метрика