Faydalı məsləhətlər

Paltar yuyan zaman yol verilən 8 BÖYÜK SƏHV

Bugün demək olar ki, hər birimizin evində paltaryuyan maşın var.

Lakin bu maşının varlığı o demək deyil ki, bizim əvəzimizə bütün camaşırları qüsursuz yumalıdır. Paltarlarınız daha təravətli və uzunmüddətli olsun deyə bir sıra şərtlərə əməl etmək gərəkdir.

Sizə paltar maşınında camaşır yuyan zaman yol verilən səhvlərin siyahısını təqdim edir:

1. Paltaryuyan maşını təmizləməyi unutmayın

Paltaryuyan maşının əsas vəzifəsi təmizlik yaratmaqdır. Lakin bu, o demək deyil ki, onun özünü təmizləməli deyilik. Öncə paltaryuyan maşının gözlərini tez-tez təmizləyin ki, yuyucu toz qalıb kirəcləşməsin. Hər dəfə paltar yuduqdan sonra maşının qapağını açıb, yaxşıca silin ki, xoşəgəlməz qoxular olmasın.
Paltaryuyan maşının alt hissəsində saplar yığılan filtr olur. O hissəni 3 aydan bir təmizləmək lazımdır.

Bundan əlavə ildə bir dəfə makinanın barabanına yarım litr sirkə töküb, isti su rejimində boş halda yumaq lazımdır. Bu, paltaryuyan maşının bütün mexanizmini təmizləyir.

2. Eyni anda həddən çox camaşır yumayın

Paltaryuyan maşının üzərindəki çəki göstəricisi o demək deyil ki, içərisini həddən artıq yükləməliyik. Təzyiq və ağırlıq nəticəsində maşının çalışma sistemi çökə bilər.

3. Düzgün bölüşdürmək

Bu hal demək olar ki, hər bir evdar xanıma məlumdur. Rəngli, ağ və qara camaşırları ayrıca bölüşdürüb, yuyun. İpək, yun və sintetik materialdan olan camaşırların da bölgüsünü aparın. Həssas parçalardan tikilən geyimlərinizi soyuq su ilə minimal sıxma funkisyasını tənzimləyərək yuyun ki, tərkibini itirməsinlər.

4. Corabları xüsusi torbaya qoyub, ayrıca yuyun

Bu zaman corablar makinanın barabanına və digər paltarlara yapışmayacaq.

5. Yastıqları və adyalları iki dəfə yuyun

Bu əşyaları ilk dəfə yuyucu toz ilə, ikinci dəfə isə təmizləyici vasitə istifadə etmədən aşağı sürətdə yuyun. Çünki bu cür camaşırlar bir dəfə yumaqla sabunlu sudan azad olmayacaq.

6. Çimərlik geyimlərini paltaryuyan makinada yumayın!

İstənilən növ çimərlik paltarları elastandan hazırlanıb. Odur ki, onları soyuq suda əllə yumaq tövsiyə olunur.

7. Yuduğunuz paltarların düymələrini və zəncirbəndlərini bağlayın

Əks halda düymələr sökülə, zəncirbəndlər isə dişləri ilə digər əşyalarınızı cıza bilər.

8. Yuyucu tozdan qədərində istifadə edin

Paltar yuyan zaman maşındakı yuyucu vasitə qədərindən artıq olarsa, camaşırlar təmiz yuyulmayacaq, bu səfər də üzərinə təmizləyici tozun ləkəsi hopacaq.

Publika.az


. .
Загрузка...
Загрузка...

Əziz və çox dəyərli xanımlar!

Buta design” şirkəti sizə növbəti çox maraqlı olan Evdarliq.Az layihəsini təqdim edir.

Bizimlə Siz dadlı yeməklərin rahat və müxtəliv çesidli reseptləri, təmizlik işlərinin sirri, ev əşyalarına düzgün qulluq qaydaları, interyerə uyğun əşyaların  düzgün düzülülşü və dünyada mətbəx və evə aid bütün yeniliklərdən xəbərdar olacaqsınız. 

Saytımıza daxil olduqda ev işlərində  daha  təcrübəli olmanız və bününla daha az zaman sərf etməniz üçün çox çalışacayıq. Ən əsas məqsədimiz isə əldə etdiyiniz maraqlı məlumatlar sayəsində  sizə çətin gələn işlərin asanlaşmasıdır.

Qoy bundan sonra gündəlik ev işləri, öhdəsindən rahatlıqla gəldiyiniz üçün  sizə yalnız həzz hissi yaşatsın!

Hörmətlə,

Evdarlıq.Az

Яндекс.Метрика