Sağlamlıq

Ayaqlarınız yorulursa... Rahat yerimək üçün nə etməli?

Günümüzdə müasir qadınların əksəriyyəti, hətta cavan yaşda olan qadınlar da ayaqlarının yorulmasından şikayətçidirlər.

Buna müxtəlif amillər səbəb ola bilər. Dəbə uyğun hündür topuqlu ayaqqabılar,  fiziki aktivliyin azalması, müxtəlif zərərli vərdişlərdən və qeyri-sağlam qidalardan istifadə bu amillər sırasındadır. Bəs ayaqlara əvvəlki yüngüllüyünü və buna bağlı olaraq da özümüzə yaxşı əhval-ruhiyyəni necə qaytara bilərik?

Ayaqlar niyə yorulur?

Ayaqlarınızın yorulmasının səbəbləri çox ola bilər. Günümüzdə tez-tez və ya periodik olaraq ayaq ağrısından şikayət etməyən qadına rastlamaq çox çətindir. Bu, ilk növbədə düzgün seçilməmiş ayaqqabı ilə əlaqədardır. Təəssüf ki, hazırda əsasən aşağı və orta keyfiyyətli müasir ayaqqabı istehsalçılarının böyük əksəriyyəti istehsal etdikləri ayaqqabının yeriş üçün rahat olub-olmadığı haqda düşünmürlər. Əksər hallarda müasir qadınlar da ayaqqabı seçərkən “Gözəllik qurban tələb edir” şüarını əsas tutaraq onun rahatlığına deyil, gözəlliyinə diqqət edirlər. Ancaq düşünmürlər ki, bu şübhəli gözəllik üçün sağlamlığı qurban verməyə dəyərmi? Əgər yeriyən zaman ayaqlarınızın yorulmağını və bu yorğunluğun nəticədə aşağı ətrafların varikozuna gətirib çıxarmağını istəmirsinizsə, ayaqqabı seçərkən onun dəbə uyğun olması ilə yanaşı rahat olmasına da diqqət edin. Ayaqqabını geyinib yoxladığınız zaman ayağınızın tam və sıx şəkildə ayaqqabı astarına oturmasına fikir verin, əsasən orta hissəsinin. “Geyindikcə açılar” düşüncəsi ilə bir ölçü kiçik ayaqqabı almayın, keyfiyyətli ayaqqabı bir ölçü böyüklüyündə genişlənərək ölçüsünü dəyişə bilməz. Nəhayət, gündəlik istifadə üçün topuğu 4-5 sm-dən hündür olan ayaqqabı almayın, “şpilka” və hündürdaban ayaqqabıları isə xüsusi gecələr və ictimai tədbirlər üçün saxlayın.

Ayaqlarınızın yorulmasının səbəbi həyat tərziniz də ola bilər. Məsələn, oturaq iş və ya çox gəzmənizi, ayaqüstə dayanmanızı tələb edən işlər bu yorğunluğun qaynağı ola bilər. Belə halda sizə profilaktik gimnastika, həmçinin qaçış, hovuzda üzmə kimi idman növləri ilə məşğul olmaq kömək edər. Axşam ayaqlar üçün profilaktik sərin vannalar qəbul edin, ayaqlarda yorğunluğu aradan qaldıran kremlərdən istifadə edin və s. Unutmayın ki, bu qəbildən olan ağrılar yeni yaranmağa başlayan varikoz xəstəliyinin xəbərçisi ola bilər. Buna görə də profilaktik tədbirlər sizə ancaq xeyir gətirər.

Ayaqlarınız yorulursa, nə etməli?

Bəzi sınaqdan keçmiş üsullar və prosedurlar var ki, onların tətbiqi ayaqlarınızın yorğunluğunu aradan qaldırmaqda sizə yardımçı ola bilər:

- gimnastika - barmaq uclarında gəzmək, ayaqyalın şəkildə dabandan barmaq uclarına təzyiq verərək gəzmək, barmaqların uclarını özünüzə doğru və əks istiqamətdə dartmaq, həmçinin ayaqlarınızı bir tərəfdən digərinə doğru döndərmək kimi primitiv hərəkətlər qan dövranını yaxşılaşdırır və gərilmiş əzələləri rahatladır;

- müalicəvi vannalar – ayaqlardakı yorğunluq, zoqquldama və ağırlığın aradan qaldırılmasında cökə çiçəyi, çobanyastığı cövhərindən hazırlanmış və ya dəniz duzu qatqılı rahatladıcı vannalar da effektiv təsir göstərir;

- massaj və ya özünümassaj — ayaqları yorulan hər bir qadın massajın necə rahatladıcı və xoş təsir bağışlaya biləcəyini gözəl bilir. Təəssüf ki, hər kəsin şəxsi massajisti yoxdur. Buna görə də özünümassajın bəzi incəliklərini öyrənmək heç də pis olmazdı. Bunun üçün ilk əvvəl ayaqlarınızı, sonra hər barmağınızı bir-bir gərmək lazımdır. Massajı rahatladıcı vannadan sonra etmək daha xeyirli olar, massajdan sonra isə ayaqları yuxarı qaldırmaq və bu halda 10-15 dəqiqə uzanmaq məsləhətdir.

Əgər ayaqlarınız yorulursa, ayaqqabınızı dəyişin, idmanla məşğul olun, həmçinin sadə və effektiv prosedurları tətbiq etməkdən də çəkinməyin. Daha yaxşısı isə ortopedə və fleboloqa müraciət edin, ola bilər ki, sizdə problem ayağınızın quruluşundadır və ya ayaqlarınızdakı yorğunluq inkişaf etməkdə olan varikozdan xəbər verir.

Saglamolun.Az


.
Загрузка...

BÜTÜN BÖLMƏLƏRDƏN SEÇMƏLƏR

Zərif alma piroqu

Zərif alma piroqu

Şirniyyat Hits:4721

Alma piroqlarının reseptləri olduqca çoxdur.

Pomidor və soğanla balıq

Pomidor və soğanla balıq

İsti yeməklər Hits:758

Tərkib: - 1 kq balıq (kütüm, treska...

Şaftalı ilə zərif kəsmikli piroq

Şaftalı ilə zərif kəsmikli piroq

Şirniyyat Hits:6788

Tərkib: Xəmir: - 1 stəkan un

Südlü şokoladlı blinçiklər

Südlü şokoladlı blinçiklər

Desertlər Hits:7395

Lazım olan məhsullar:

Giləmeyvəli piroq

Giləmeyvəli piroq

Şirniyyat Hits:997

Kəsmikli giləmeyvəli piroqun hazırlanma qaydasını təqdim...

Sadə məhsullardan DADLI SALAT

Sadə məhsullardan DADLI SALAT

Salatlar Hits:5033

İnqrediyentlər: - 2 kartof - 1 kök

SON ƏLAVƏ OLUNMUŞ MƏLUMATLAR

Üzümlə zərif piroq

Üzümlə zərif piroq

Şirniyyat Hits:374

Ərzaqlar: - 2 yumurta

Gavalı ilə sadə piroq

Gavalı ilə sadə piroq

Şirniyyat Hits:442

Ərzaqlar: - 400 qr gavalı

Çox dadlı qəhvəli peçenye

Çox dadlı qəhvəli peçenye

Şirniyyat Hits:350

Ərzaqlar: - 100 qr kərə yağı

Sadə və dadlı yay salatı

Sadə və dadlı yay salatı

Salatlar Hits:631

Məhsullar: - 200 qr təzə kələm

Şaftalı və xamalı kremlə çox dadlı PİROQ

Şaftalı və xamalı kremlə çox…

Şirniyyat Hits:557

Məhsullar: Xəmir üçün:

Yemişlə sadə və dadlı piroq

Yemişlə sadə və dadlı piroq

Şirniyyat Hits:458

Məhsullar: - 5 yumurta

Tez hazırlanan giləmeyvəli piroq

Tez hazırlanan giləmeyvəli piroq

Şirniyyat Hits:886

Məhsullar: Xəmir:

Qoz və bişmiş squşonka ilə qat-qat pirojki

Qoz və bişmiş squşonka ilə…

Şirniyyat Hits:1046

Məhsullar: - 500 qr hazır qat-qat xəmir

SON ŞƏRHLƏR

Яндекс.Метрика

Əziz və çox dəyərli xanımlar!

Buta design” şirkəti sizə növbəti çox maraqlı olan Evdarliq.Az layihəsini təqdim edir.

Bizimlə Siz dadlı yeməklərin rahat və müxtəliv çesidli reseptləri, təmizlik işlərinin sirri, ev əşyalarına düzgün qulluq qaydaları, interyerə uyğun əşyaların  düzgün düzülülşü və dünyada mətbəx və evə aid bütün yeniliklərdən xəbərdar olacaqsınız. 

Saytımıza daxil olduqda ev işlərində  daha  təcrübəli olmanız və bününla daha az zaman sərf etməniz üçün çox çalışacayıq. Ən əsas məqsədimiz isə əldə etdiyiniz maraqlı məlumatlar sayəsində  sizə çətin gələn işlərin asanlaşmasıdır.

Qoy bundan sonra gündəlik ev işləri, öhdəsindən rahatlıqla gəldiyiniz üçün  sizə yalnız həzz hissi yaşatsın!

Hörmətlə,

Evdarlıq.Az