Menstrual ağrıları azaltmaq üçün bunları edin – MÜTƏXƏSSİS MƏSLƏHƏTLƏRİ

Menstrual ağrı nədir?

Menstruasiya ağrısının adətən gənc qadınlarda görüldüyü düşünülsə də, əslində hər qadının qarşılaşa biləcəyi bir vəziyyətdir. Menstrual ağrıların meydana çıxmasında ən əhəmiyyətli faktor uşaqlıq yolunda olan toxumadan ifraz olunan, uşaqlığın büzülməsinə və doğuş zamanı olduğu kimi ağrılara səbəb olan bir maddədir.

Bu sancılara səbəb olan maddə "prostaglandin" olaraq bilinən maddənin səviyyəsidir. Menstruasiyanın sonrakı günlərində bu maddənin azalması da ağrıları azaldır.

Menstrual ağrılara qarşı hansı ehtiyat tədbirləri görülə bilər?

Qadınlarda menstruasiya zamanı ağrıya dismenoreya deyilir.

-Menstruasiya əvvəli və zamanı kola və qəhvə kimi qidalardan uzaq durmaq,

-Həddindən artıq yorğunluq və stresə səbəb olan vəziyyətlərdən qaçınmaq,

-Qəbizlikdən əziyyət çəkən insanlar lifli qidalar qəbul etməli və bol su içməlidir,


-Siqaret və alkoqoldan qaçınmaq

Aybaşı ağrılarına hansı üsullar yaxşı gəlir?

Aybaşı ağrılarından əziyyət çəkən insanların bilmək istədikləri “Aybaşı ağrıları necə keçir” sualının cavabı belədir.

Aybaşı sancıları zamanı ağrıyan nahiyəni isti saxlamağı laqeyd etməmək lazımdır. İsti su torbası bu iş üçün ən uyğun alət olsa da, əgər yoxdursa, dəsmalı isladıb qarının aşağı hissəsinə qoyun, isti ilə sancılar və ağrılar azalacaq.

İsti içkilər, xüsusən də bitki çayları menstrual ağrılara yaxşı gəlir.

Yeməklərinizi yüngül saxlamaq və az, lakin tez-tez yemək yemək kömək edə bilər.

Avuçlarınız və barmaqlarınızın ucları ilə qarın aşağı nahiyəsinə dairəvi hərəkətlərlə masaj etmək ağrılarınızı yüngülləşdirə bilər.

Ağrılarınız şiddətli olanda ilıq duş qəbul etməyiniz yaxşı olar.

Daimi idman və artıq çəkidən qurtulmanın menstrual ağrıları azaltdığı bilinir. Yüngül gəzinti ağrınızı azalda bilər.

Menstruasiyadan əvvəl yorulmağınıza səbəb olacaq ağır fiziki səy tələb edən işlərdən qaçınmaq ağrılarınızı azaltmağa kömək edəcək.

Soyuqdəyməməyə diqqət yetirmək, ayaqlarınızı və belinizi soyuqdan qorumaq, xüsusən də menstruasiya dövrünüzə yaxın günlərdə, menstruasiya ağrılarınızı azaltmağa kömək edəcək.

Menstrual ağrı necə keçir?

Aybaşı ağrıları zamanı hansı qidalar istehlak edilə bilər?

Məlumdur ki, bəzi qida və içkilər menstrual ağrılara yaxşı gəlir. Aybaşı ağrılarına yaxşı gələn qidalar və içkilər bunlardır:

Zəncəfil: Çaydanın içinə 1 stəkan su və sürtgəcdən keçirilmiş zəncəfil qoyun və 5 dəqiqə qaynadın. Süzdükdən sonra içinə bir çay qaşığı süzülmüş bal və bir neçə damcı limon sıxaraq gündə 3 dəfə için.

Darçın: 1 çay qaşığı darçın tozunu 1 stəkan qaynar suda 5 dəqiqə isladın. Bir az bal əlavə edib qurtum-qurtum için. Menstruasiya başlamazdan 2-3 gün əvvəl və menstruasiya gününə qədər (birinci gün daxil olmaqla) gündə 2-3 stəkan içə bilərsiniz.

Şüyüd: Çaydanda 1 stəkan suyu qaynadın, üzərinə 1 çay qaşığı şüyüd toxumu əlavə edib 5 dəqiqə qızdırın. Sonra süzün və soyumayana qədər bir çay qaşığı bal əlavə edərək için. Menstruasiya başlamazdan 3 gün əvvəl başlayaraq, ağrı davam etdikcə gündə 2 dəfə içməyə davam edin.

Çobanyastığı çayı: Bir stəkan qaynar suya bir çay qaşığı qurudulmuş çobanyastığı əlavə edib 5 dəqiqə dəmləyin. İçinə bir az limon sıxa və ya bal əlavə edə bilərsiniz. Menstruasiya başlamazdan 1 həftə əvvəl gündə 2 stəkan içməyə başlayın.

Kətan toxumu: Aybaşı ağrılarınız başladığı zaman 1-2 xörək qaşığı kətan toxumu yeyin. Siz həmçinin qatıq, salat və ya digər qidalara əlavə edə bilərsiniz.

Evdarliq.Az