Nişasta maskaları ilə cavanlaşın! RESEPTLƏR

Nişasta ilə maskalar çox effektlidir. Bu maskalar üz dərisini cavanlaşdırır, daha dartılmış edir, kiçik qırışları yox edir, ağardır.

Nişasta maskaları hazırlamaq üçün yalnız yaxşı təbii nişastadan istifadə edin.

Reseptlər:

1. 1 x.q. nişasta 1/2 stəkan soyuq suda həll edilir. 2 stəkan su qaynadılır, içərisinə həll olunmuş nişasta əlavə olunur, qarışdıra-qarışdıra qatılaşan qədər bişirilir və soyudulur. İlıq kütləyə 1 xörək qaşığı xama və 1 xörək qaşığı kök şirəsi əlavə olunur, qarışdırılır və üz dərisinə, boyun və dekolte zonasına çəkilir. Maskanı çəkib qurumasını gözləyin və sonra yenə 1 lay çəkin, sonra yenə gözləyin və yenə çəkin. Maskanı xüsusi kosmetik fırşa ilə çəkin. 20 dəqiqə saxlayın və sonra ilıq su ilə yuyun.

2. Nişastanı yuxarıdaki maskada olduğu kimi bişirin və soyudun. İlıq nişastaya 1 xörək qaşığı zeytun yağı, 1 yumurta sarısı əlavə edin, yaxşı qarışdırın. Yuxarıda göstərilən qaydada üz dərisinə çəkin.

3. Bişmiş nişasta (1-cı maskaya baxın) + 2 kapsul aevit (apteklərdə satılır) + 1 x.q. badam yağı.

4. Nişasta + blenderlə əzilmiş 1/2 banan + 1 x.q. ərik yağı.