Quru saçlar üçün çox effektli MASKALAR

Qidalandırıcı maskalar quru saçlara qulluq edilməsində xüsusi rol oynayır.

Onları başın dərisinə saçları yuduqdan əvvəl çəkirlər. Əllərin ovuclarına bir qədər maska götürüb onu yüngül hərəkətlərlə başın dərisinə çəkib massaj edin, saçın uzunluğu boyu yayın. Sonra başı sellofanla örtüb dəsmalla bürüyürlər və orta hesabla 1 saatdan sonra saçları yaxşı yuyurlar. Belə maskaları müntəzəm şəkildə, həftədə 2-3 dəfədən az olmayaraq etmək lazımdır.

- Saçların uzunluğundan asılı olaraq 1-2 yumurta sarısını 1 xörək qaşığı gənəgərçək yağı ilə qarışdırıb, başın dərisinə və saçlara çəkərək 1 saatdan sonra yumaq lazımdır.

- 2 xörək qaşığı gənəgərçək yağını 2 xörək qaşığı ayıpəncəsi yağı ilə qarışdırıb üzərinə quru saçlar üçün olan 1 xörək qaşığı şampun əlavə edin. 1 saat keçdikdən sonra maskanı çoxlu miqdarda ilıq su ilə şampunsuz yumaq lazımdır.

- 5 xörək qaşığı zeytun yağını limon şirəsi ilə qarışdıraraq saçlarınıza vurun. 30 dəqiqə gözləyin, sonra onları yumşaq su və şampunla yuyun. Bu maskanı müntəzəm olaraq, hər iki həftədən bir etmək lazımdır.

- 1 yumurta sarısını 1 xörək qaşığı limon şirəsi,1 xörək qaşığı ayıpəncəsi yağı və ½ stəkan ilıq su ilə qarışdırıb saçlarınıza çəkin. 30 dəqiqədən sonra saçlarınızı yuyun.

- Lavanda və ətirşah yağları quru saçlara parıltı verir. Bu yağlarla edilən maskaları əvvəlcə ancaq dəriyə, sonra isə saçların uclarına qədər çəkirlər. 30 dəqiqə keçdikdən sonra saçları yumaq lazımdır.

- Yumurta ilə yuyulma quru və kövrək saçları zədələnmədən qoruyur və kəpəyin yox olmasına kömək edir. Bunun üçün əvvəlcədən 1 yumurtanı bir qədər su əlavə edib yaxşı çalınır. Hazırlanmış bu maskanı isladılmış saçların üzərinə çəkib başı onunla yuyurlar, sonra ilıq təmiz su ilə yaxşı yaxalayırlar.

- Başı yumazdan 1 saat əvvəl saçlara gicitkənın yağ məhlulunu sürtürlər. Bu məhlulu hazırlamaq üçün 4 xörək qaşığı xırda doğranmış quru gicitkənın üzərinə ½ stəkan zeytun yağı töküb 7 gün ərzində ağzı yaxşı bağlanmış şüşə qabda saxlayın. İstifadə edilməzdən əvvəl alınan məhlulu süzün və bir qədər qızdırın.

- Quru və ya tez-tez rənglənmə nəticəsində zəifləmiş saçları yumazdan qabaq, 10 dəqiqə ərzində başın dərisinə kətən yağı sürtməklə masaj etmək, sonra isə bu yağı saçların butun uzunluğu boyu çəkmək lazımdır. Bu zaman yağın yaxşı sorulması üçün saçları bir qədər buxara da vermək olar.

- 1 xörək qaşığı gənəgərçək və 1 xörək qaşığı şaftalı yağını qazana töküb qarışdıra-qarışdıra su hamamında bir qədər qızdırmaq lazımdır. Bundan sonra yağların üzərinə 1 dənə yumurta və 1/3 stəkan qaynadılmış ilıq su əlavə olunur. Alınan maskanı saçlarınıza çəkin, 1 saat saxlayın və sonra yaxşı yuyun.

Evdarliq.Az


Загрузка...
. .