Makiyajın sirləri. Dodaq boyası

1. Dodaq boyasını çəkdikdən əvvəl dodaqlara və onların ətrafına xüsusi nəmləndirici balzam, sonra isə tonal vasitəni çəkmək lazımdır.

Balzamın və tonal  vasitənin dəriyə hopmayan qalıqlarını yumşaq nəm salfetlə (silməmək şərti ilə) götürürlər.

2. Dodaq üçün kontur karandaşın rəngi, 1-2 ton tünd və ya açıq rəngdə (məqsəddən asılıdır) olmaqla, dodaq boyasına uyğun seçilməlidir. Bu vasitədən istifadə etdikdə dodaq boyasının yayılmasının qarşısı alınır, kiçik qırışlar gizlədilir, makiyaja dəqiqlik və tamlıq verilir. Pomada və kontur karandaşın rəngi müxtəlif rəng çalarlarında olmamalıdır, əks halda dodaqlar qeyri-təbii görünəcək.

3. Dodaq boyasını vurmaq üçün təbii tükdən olan fırçadan istifadə etmək çox rahatdır. Bu fırçanı 5-6 gündən bir yumaq lazımdır. Fırçalar boyanı daha dəqiq şəkildə çəkməyə və onun rənginin daha uzun müddət ərzində qalmasına kömək edir. Fırçanın köməyilə dodaqda iki rəng dodaq boyasını qarışdırmaq olar. Bu cür təcrübə qeyri-adi rəng almağa kömək edir. Bu zaman eyni istehsalçı-şirkətin eyni seriyalı boya məhsulundan istifadə etmək lazımdır.

4. Dodaq boyasını dodağa çəkdikdən sonra boyanın artıq hissəsini xaric etmək üçün boya qatını yumşaq nəm kosmetik salfetlə yüngül qurulamaq lazımdır.

5. Ehtiyac olduqda dodaq boyasının birinci qatının üzərindən nazik və hamar olan ikinci qat da çəkirlər. Bu zaman rəng daha intensiv olaraq daha uzun müddət ərzində qalacaq.

6. Makiyajın çox parlaq olmaması üçün dodaq boyasından dodağa bir neçə kiçik nöqtə şəklində vurmaq, sonra isə barmaqlarla ehtiyatla yaymaq lazımdır. Bu yolla çox zərif, təbii çalarlıq alınmış olur.

7. Yayda günəşin zərərli təsirindən qorunmaq üçün ultrabənövşəyi filtrləri olan pomadadan istifadə etmək məsləhətdir.

Evdarliq.Az


Загрузка...
. .