Zəncəfil dərinin qocalması ilə mübarizə aparır, dərini bərpa edir, tonuslaşdırır, təmizləyir, dərinin rəngini yaxşılaşdırır.
Zəncəfil müxtəlif dəri tipləri üçün maskaların tərkibində istifadə olunur.
1. Klassik zəncəfil maskası
Zəncəfil kökünün kiçik hissəsini (2-3 sm) blenderdə əzin, 1 xörək qaşığı zeytun yağı əlavə edin, qarışdırın və üzünüzə çəkin. 15-20 dəqiqədən sonra üzünüzü ilıq su ilə yuyun.
2. Həssas dəri üçün zəncəfil maskası
Zəncəfil kökü (2 sm), 1 çay qaşığı limon şirəsi, 1 xörək qaşığı bal blenderdə qarışdırılır. Bu qarışıq 2 saat ərzində soyuducuda saxlanılmalıdır. Sonra maskanı təmiz üz dərisinə çəkin və 15-20 dəqiqədən sonra ilıq su ilə yuyun.
3. İltihabəleyhinə maska
Zəncəfil kökü (2 sm), 1 çay qaşığı bal və 1 xörək qaşığı qatıq blenderdə qarışdırın və təmiz üz dərisinə çəkib 15-20 dəqiqədən sonra üzünüzü yuyun.
4. Zəncəfillə cavanlaşdırıcı maska
- Zəncəfil kökü (3 sm), 1 dəstə nanə, 1 çay qaşığı bal və 1/3 banan blenderdə qarışdırılır və təmiz üz dərisinə çəkilir. 20 dəqiqədən sonra üzünüzü təmiz su ilə yuyun.
- 1 xörək qaşığı sürtgəcdən keçirilmiş zəncəfil, 1 çay qaşığı balla, 1 çay qaşığı limon şirəsi ilə, 1 xörək qaşığı xama ilə, 1 kapsul E vitamini ilə qarışdırılır, təmiz üz dərisinə çəkilir. 20 dəqiqədən sonra ilıq su ilə yuyulur.
5. Zəncəfillə tonuslaşdırıcı maska
1 xörək qaşığı rəndələnmiş zəncəfil kökü 1 xörək qaşığı balla qarışdırılır və üz dərisinə çəkilir. Üzünüzü 20 dəqiqədən sonra təmiz su ilə yuyun.
6. Zəncəfillə ağardıcı maska
Zəncəfil, qızılgül, badam, qreypfrut efir yağları (hərəsindən 3-4 damcı) 2 xörək qaşığı xama ilə qarışdırılır və təmiz üz dərisinə çəkilir. 20 dəqiqədən sonra ilıq su ilə yuyulur.
