Mövsüm trendi: ağla qaranın vəhdətindən ilham alın – FOTOLAR

 

Ağla qara istənilən mövsümdə aktuallığını qoruyub saxlaya bilir. Bununla da məğlubiyyətsiz olduğunu sübut edir.

Heç dizaynerlər də bu iki kontrast rəngi illərdir kolleksiyalarında istifadə eləməkdən yorulmurlar. Onların hər ikisi ayrı-ayrılıqda bütün rənglərlə ideal harmoniya təşkil edə bilir. Lakin qara ilə ağın birləşməsi  də çox tez-tez üstünlük verilən çalarlardır.

Ağ-qara dəstlər həddən artıq ciddi görünür, bu səbəbdən də adətən məktəbli forması və ya işgüzar stil ilə assosiasiya olunur. Ağ və qara rəngdə geyinən adam görəndə də ifadələrimizə ikiqat diqqət edir və məsafə saxlamağa çalışırıq. Bəs ciddi və darıxdırıcı görünməmək üçün nə etməli?

Şirkət işçisinə oxşamamaq üçün ciddi fasonlardan qaçın, onun yerinə qeyri-adi kəsimlərə yönəlin. Əlbəttə ki, sizi əcaib göstərən, həddindən artıq qəribə fasonlar geyinməyi  məsləhət görmürük. Sadəcə ekstravaqantlıqla sadəlik arasında balansı qorumağa çalışın.

Məsələn, ənənəvi düyməli ağ köynəyi qara şalvar tandemini əksinə tətbiq edin. Bu halda obraz daha cəlbedici və effektli alınacaq. Bu dəst istisnasız olaraq hər məkan üçün uğurlu seçim olacaq. Ayaqqabı seçimində siz tamamilə azadsınız, bu dəstin həm idman, həm də klassik modellərlə yaxşı görünəcəyindən arxayın ola  bilərsiniz.

Yeri gəlmişkən, bir-biri ilə rahat uyğunlaşan ağ-qara çalarları romantik axşam görüşü üçün də uğurlu variantdır. Siz ağ-qara zolaqlı don seçə, yaxud qara donu qara dikdaban və ağ pencəklə tamamlayaraq dəbdəbəli obraz yaradacaqsınız.

Sonda yadda saxlayın ki, tamamilə qara rəngə bürünmək də məsləhət deyil. Qara rəngdən çox istifadə edərək əhval-ruhiyyənizi riskə ata bilərsiniz. Qara rəng bəzi vaxtlarda depressiyaya sala bilir. Qara rəng limitlə olaraq istifadə edilməlidir. Lakin qaradan fərqli olaraq, ağ rəngdən limitsiz istifadə edə bilərsiniz.

Publika.az


Загрузка...
. .