Münasibətlər

Boşanma uşağa necə təsir edir? – VALİDEYNLƏR MÜTLƏQ OXUSUN

Valideynlər arasında anlaşılmazlıq uşağı bədbəxt edir. Türkiyəli pedaqoq və psixoterapevt Serap Melek Kılınc boşanmanın uşaqlara təsirlərdən danışıb.

Uşağın fiziki ehtiyaclarının qarşılanması ilə yanaşı, onun aid olma, sevilmə, güvən və anlayış kimi ehtiyaclarının da qarşılandığı əsas yer ailədir. Bu kiçik qurum uşaqların həyatında, inkişafında və şəxsiyyətinin formalaşmasında əhəmiyyətli rol oynayar. Ailə anlayışının tərkibi ana, ata və uşaqlardan ibarətdir. Ailə cəmiyyətini meydana gətirən bu təməl sistemlərdən birində problem yaşandıqda, digər sistemlər də zərər görməyə başlayır. Ana-atanın uşaqlarla olan əlaqəsi qədər, uşaqların da bir-birləriylə olan əlaqələri də onlara müsbət və ya mənfi istiqamətdə təsir edər.

Valideynlərin anlaşılmazlığı uşaqlara boşanma qədər mənfi təsir edir

Bəzi valideynlər aralarındakı sevgi və hörmət bağı qopduğu halda da uşağın xoşbəxtliyi və gələcək qayğıları üçün əlaqələrini davam etdirə bilərlər. Lakin bununla belə, evdə tez-tez mübahisələr, dava-dalaşlar düşə bilər. Boşanma prosesi uşaq üçün nə qədər üzücü vəziyyətdirsə, bu cür qeyri-sağlam ailə mühiti də uşağa eyni cür mənfi psixoloji təsir edir. Psixoloq bildirir ki, valideynlər arasındakı anlaşılmazlıqlar və mübahisələr uşağın inkişafına mənfi təsir edir: “Uşaq ana və atasını birlikdə görmək istəyir və ana-ata birlikdə olduqda xoşbəxt olur. Ancaq uşağın sağlam inkişafı üçün valideynlərin eyni evdə birlikdə yaşamalarından çox, onların münasibətlərinin xüsusiyyəti əhəmiyyətlidir. Bu səbəbdən də bəzi müstəsna hallar istisna olmaqla, hər nə qədər arzuedilməyən bir hal olsa da, ana-atanın boşanması, başqa sözlə desək, ayrılmaları və ayrı-ayrılıqda ana-ata rollarını davam etmələri uşaq üçün daha yaxşı nəticələr göstərə bilər. Əgər boşanan valideynlər uşağın ehtiyaclarını qarşılayır, məsuliyyətlərini yerinə yetirir, uşağa sevgi və güvən verməyə davam edirlərsə, uşağın boşanmadan təsirlənmsi də az olar”.

Boşanma müddətinə diqqət etmək lazımdır

Valideynlərin boşanma prosesində və boşanmadan sonrakı müddətdə diqqət etmələri lazım olan bəzi əhəmiyyətli məqamlar var. S. Melek Kılıc onları bu cür sıralayır:

1. Uşağa boşanma prosesi açıq və aydın bir dillə şərh edilməlidır.

2. Birlikdəykən xoşbəxt olmadığınızı, yola gedə bilmədiyinizi, bəzi anlaşılmazlıqlar olduğunu, düzəltməyə çalışmaq istədiyinizi, lakin yoluna qoya bilmədiyinizi etiraf etməlisiniz.

3. Ən çox qarşılaşılan problemlərdən biri də uşağın bu cür hallarda özünü günahlandıra bilməsidir. Ona bunun onun günahı olmadığını demək lazımdır.

4. Boşanmayla bağlı söhbətlərdə və çıxışlarda həyat yoldaşınızı günahlandırmaqdan qaçın. Bu, uşağın anası, ya da atasına kin bəsləməsinə, əlaqələrinin pozulmasına səbəb ola bilər. Bundan başqa, eks həyat yoldaşları qisas almaq üçün bir-birinə uşaqla görüşmə qadağası qoymamalıdırlar. Uşağı şantaj olaraq istifadə ediləcək bir vasitəyə çevirmək qəti olmaz.

5. Boşanma qərarınızı uşağa həyat yoldaşınızla birlikdə söyləyin.

6. Boşanmadan sonra həyatında baş verəcək dəyişiklikləri uşağa izah edin. Mümkündürsə, başqa şəhərə, başqa evə köçmək və ya başqa biri ilə ailə qurmaq haqqında danışmayın və bunları tezliklə etməyə tələsməyin. Uşaq valideynlərin boşanma travmasından ayılmamış, bir də bunların stressini yaşamamalıdır.

7. Ayrıldıqdan sonra ana-atanın əlaqələrini davam etdirmələri uşaq üçün ən sağlam yoldur. Uşaqla bağlı qərarları valideynlər birlikdə verməlidirlər. Ana-atanın və uşağın birlikdə vaxt keçirmələri üçün mühit yaradılmalıdır. Ad günləri, bayramlar kimi əhəmiyyətli günlərdə bir yerdə olmaq uşağa yaxşı təsir edəcək.

8. Boşanmadan sonra uşağın nizamlı və davamlı olaraq hər iki valideyni görməsinə diqqət göstərilməlidir. Hər iki valideyn uşağı öz yanlarına çəkmək məqsədilə həddindən artıq sevgi nümayiş etdirməməlidir. Uşağın hər iki valideyninin evində qala bilməsinə imkan yaradılmalı və onlarla vaxt keçirməsi təmin edilməlidir. Uşağa iki evin də onun evi olduğunu hiss etdirin.

9. Razılaşmadığınız mövzularda uşağı tərəf tutmaq məcburiyyətində qoymayın.

10. Uşağı boşanma mövzularının danışıldığı mühitdən uzaq tutun, mübahisələrinizi onun yanında etməyin. Uşağınızı həyat yoldaşınızla barışmaq üçün bir vasitə olaraq istifadə etməyin. Digər ailələr və qohumlara uşağa qarşı həssas davranmaları mövzusunda xəbərdarlıq edin. Digər insanların uşağın anası və ya atasını pisləmələrinə icazə verməyin.

11. Valideynlərin hər ikisinin də uşaqla maraqlanması, həyatındakı inkişaflardan xəbərdar olması, məktəb və digər fəaliyyətlərindən xəbərdar olması vacibdir. Valideynlərdən birinin çox maraqlanması digərinin əskikliyi ört-basdır etməməlidir.

12. Uşağın suallarına açıq və düzgün cavab verməyə çalışın. Uşağınızı anası və ya atası arasında seçim etmək məcburiyyətində qoymayın.

Valideynləri boşanan uşaqda yaranan problemlər

Boşanma müddətində uşaqda bəzi fizioloji, psixoloji və davranış problemləri ortaya çıxa bilər. Bu reaksiyalara vaxtında müdaxilə edilməlidir və lazım olan tədbirlər görülsə, uşaq boşanma prosesinin öhdəsindən daha asanlıqla gələ bilər.  Psixoloq bu cür problemlərə nümunələr də gətirib:

1. Barmaq əmmə, dırnaq yemə, yalan danışma, alt islatma kimi davranış pozğunluqları

2. Psixoloji mənşəli kəkələmələr

3. Tək qalma qorxuları və gecə qorxuları

4. Uyğunlaşmazlıq və narahatlıq

5. Yuxu pozğunluqları və yemək yemə problemləri

6. Ətraf mühitlə əlaqələrində problemlər

7. Məktəbdə və dərslərində uğursuzluq, məktəb qorxusu

8. Əsəb, hirs, kin və təcavüzkarlıq

9. Özünə qapanma halları

10. Diqqət toplamaqda çətinlik çəkmək

11. Tez-tez ağlama, baş və qarın ağrısı, mədə bulanması kimi narahatlıqlar

Ailədaxili ünsiyyət, sevgi və diqqət bu və buna bənzər problemlərin aradan qaldırılmasına mane ola bilər. Lakin uşağın boşanmadan daha az təsirlənməsi üçün bütün tədbirlər görülməlidir. Belə bir vəziyyətdə professionaldan kömək alınması həm ana, həm ata, həm də uşaq üçün faydalı olacaq.

Aile.lent.az


.
Загрузка...

BÜTÜN BÖLMƏLƏRDƏN SEÇMƏLƏR

Ən effektli və sağlam pəhriz

Ən effektli və sağlam pəhriz

Sağlamlıq Hits:7375

Monopəhrizlər (yalnız 1 və 1-2 məhsulla...

Asan hazırlanan ÇİYƏLƏKLİ PEÇENYE

Asan hazırlanan ÇİYƏLƏKLİ PEÇENYE

Şirniyyat Hits:5562

Tərkib: Xəmir: - 100 qr xama

Ev şəraitində maye sabun hazırlayırıq

Ev şəraitində maye sabun hazırlayırıq

Təmizlik işləri Hits:9840

Maye sabun istifadədə çox rahat və...

Bəzi mətbəx hiylələri - Faydalı bilgilər - FOTO

Bəzi mətbəx hiylələri - Faydalı…

Faydalı məsləhətlər Hits:14070

Bir çoxlarımız elə hesab edirik ki...

Hansı bürclər hansı yeməkləri xoşlayır

Hansı bürclər hansı yeməkləri xoşlayır

Faydalı məsləhətlər Hits:13711

Bürclərin xasiyyətləri müxtəlif olduğu kimi onların...

Ev şəraitində MARMELADın hazırlanması. Dadlı və faydalı!

Ev şəraitində MARMELADın hazırlanması. Dadlı…

Desertlər Hits:20009

Marmelad faydalı şirniyyat sayılır. Marmeladı (təbii...

SON ƏLAVƏ OLUNMUŞ MƏLUMATLAR

Üzümlə zərif piroq

Üzümlə zərif piroq

Şirniyyat Hits:328

Ərzaqlar: - 2 yumurta

Gavalı ilə sadə piroq

Gavalı ilə sadə piroq

Şirniyyat Hits:423

Ərzaqlar: - 400 qr gavalı

Çox dadlı qəhvəli peçenye

Çox dadlı qəhvəli peçenye

Şirniyyat Hits:330

Ərzaqlar: - 100 qr kərə yağı

Sadə və dadlı yay salatı

Sadə və dadlı yay salatı

Salatlar Hits:602

Məhsullar: - 200 qr təzə kələm

Şaftalı və xamalı kremlə çox dadlı PİROQ

Şaftalı və xamalı kremlə çox…

Şirniyyat Hits:541

Məhsullar: Xəmir üçün:

Yemişlə sadə və dadlı piroq

Yemişlə sadə və dadlı piroq

Şirniyyat Hits:450

Məhsullar: - 5 yumurta

Tez hazırlanan giləmeyvəli piroq

Tez hazırlanan giləmeyvəli piroq

Şirniyyat Hits:875

Məhsullar: Xəmir:

Qoz və bişmiş squşonka ilə qat-qat pirojki

Qoz və bişmiş squşonka ilə…

Şirniyyat Hits:1022

Məhsullar: - 500 qr hazır qat-qat xəmir

SON ŞƏRHLƏR

Яндекс.Метрика

Əziz və çox dəyərli xanımlar!

Buta design” şirkəti sizə növbəti çox maraqlı olan Evdarliq.Az layihəsini təqdim edir.

Bizimlə Siz dadlı yeməklərin rahat və müxtəliv çesidli reseptləri, təmizlik işlərinin sirri, ev əşyalarına düzgün qulluq qaydaları, interyerə uyğun əşyaların  düzgün düzülülşü və dünyada mətbəx və evə aid bütün yeniliklərdən xəbərdar olacaqsınız. 

Saytımıza daxil olduqda ev işlərində  daha  təcrübəli olmanız və bününla daha az zaman sərf etməniz üçün çox çalışacayıq. Ən əsas məqsədimiz isə əldə etdiyiniz maraqlı məlumatlar sayəsində  sizə çətin gələn işlərin asanlaşmasıdır.

Qoy bundan sonra gündəlik ev işləri, öhdəsindən rahatlıqla gəldiyiniz üçün  sizə yalnız həzz hissi yaşatsın!

Hörmətlə,

Evdarlıq.Az