Ağlayan körpəni rahatlatmağa kömək edəcək 8 masaj bölgəsi

Böyüklər masajı sevdiyi kimi körpələr də bunu sevir. 6-cı həftədən etibarən artıq körpəniz daha da həssas olmağa başlayır, buna görə də əsl masaja hazırdır. Bu prosedur sadəcə ünsiyyət və əyləncəli vaxt deyil, körpənizi rahatlaşdırmaq və yatmasına kömək etmək üçün gözəl bir üsuldur. Sizə və körpənizə can sağlığı arzulayırıq və rahatlaşdırıcı masaj etməkdə sizə kömək edə biləcək bəzi sahələri və məqamları sizinlə bölüşürük.

1. Əl masajı: Körpəniz üçün masaja başlamazdan əvvəl bu prosedurun müddətini xatırlayın və kiçik incə dairələrlə əl masajına başlayın:

2 yaşdan kiçik körpələr üçün 100-200 dəfə təkrar edin
2-5 yaşlı uşaqlar üçün 200-300 dəfə təkrar edin.
6-12 yaşlı uşaqlar üçün 400-500 dəfə təkrar edin

2. Ayaq masajı: İncə bir şəkildə barmaqlarının arxasını, dabanını və dabandan yuxarıya doğru dairəvi hərəkətlərlə ovuşdurun.

3. Sürüşən ayaq masajı: Bundan əlavə, xüsusi sahələrlə işləyərək, sürüşmə ayaq masajı edə bilərsiniz. Şəhadət barmağınıza yumşaq bir toxunuşla dabandan ayağın baş barmağına sürüşmə hərəkəti edin.

4. Ayağın baş barmağının masajı: Bu texnika sadədir, lakin təzyiqinizə diqqət yetirin. Çox yumşaq olmalıdır. Körpənin baş barmağının hər iki tərəfini baş və şəhadət barmağınızla tutun. Sonra ayaq barmağınız ilə kiçik dairələr edin.

5. Üz masajı: Körpənin üzünü çox yumşaq bir şəkildə masaj etmək üçün barmaqlarınızdan istifadə edin. Onları körpənin alnının ortasından yanaqlara doğru sürüşdürün və ağzının ətrafında bitirin. Həmçinin, saç dərisini şampunladığınız kimi kiçik dairələrlə masaj edə bilərsiniz.

6. Sinə masajı: Masajınıza bədənin yuxarı hissəsindən başlayın. Bunu əllərinizlə körpənin çiyinlərində edin. Sonra sinəyə doğru incə masaj edin.


7. Qarın masajı: Əvvəlcə körpənizin qarnını yoxlamaq lazımdır. Yumşaqdırsa, masaj etmək yaxşıdır. Əks təqdirdə körpənin şişməsi və ya digər problemləri varsa, ona toxunmayın.
Masajı dairəvi, saat əqrəbi istiqamətində edin. Göbək bölgəsindən qaçın və körpənin məmə ucları ilə qarın arasındakı nahiyəyə təzyiq göstərməyin.

8. Qıç masajı: Körpənin ayaqlarına uzun hamar incə toxunuşlar edin. Ayaq biləyindən buda qədər və omba üzərində masaj edin. Genital bölgədən çəkinin.

Uşaq yağından istifadə etməyi və masajı isti otaqda etməyi unutmayın!

Evdarliq.Az